Amnsiti e përgjithshme politike në Tunizi

Qeveria e përkohëshme e Tunizisë, miratoi sot amnistinë e përgjithshme për të burgosurit politikë dhe dekreti përkatës pritet të jepet për shtyp “ditët e ardhëshme”, deklaroi sot zëdhënësi i saj Tagieb Bakus, pas përfundimit të mbledhjes së qeverisë.

Qeveria e parë e përkohëshme kishte deklaruar një projekligj për amnistinë e përgjithshme në 20 Janara, gjashtë ditë pas rënies së regjimit të Ben Ali. Javën e kaluar Parlamenti dhe Kongresi, miratuanligjin me të cilin i japin të drejtën presidentit të përkohëshëm Fued Mebazaa të qeverisë me dekrete, duke anashkaluar parlamentin.

Italia kërkon ndihmën e BE për përballimin e krizës së refugjatëve

Përballë vërshimit të refugjatëve tunizianë në ishullin mesdhetar Lampedusa, qeveria italiane ka kërkuar ndihmën e Bashkimit Evropian.

Ministri i Brendshëm, Roberto Maroni kërkoi nga Komisioni angazhimin e agjencisë për mbrojtjen e kufijve Frontex si dhe mbështetje financiare prej 100 milionë eurosh, njofton Deutsche Welle.

Ndërsa Kryeministri italian, Silvio Berlusconi, ka thënë se bëhet fjalë për një emergjencë, që prek gjithë BE-në.

Ministri i Brendshëm gjerman kundër pranimit të refugjatëve tunizianë

Ministri i Brendshëm Thomas de Maizière e refuzon kategorikisht pranimin e refugjatëve tunizianë në Gjermani. Qeveria gjermane ka pranuar vitin e kaluar rreth 40.000 azilkërkues, Italia nga ana tjetër as 7.000, tha de Maizière në kanalin e dytë televiziv gjerman ZDF. Gjermania nuk mund të zgjidhë tërë problemet e botës, plotësoi politikani demokristian. Në të njëjtën kohë de Maizière u bëri thirrje tunizianëve, që pas rrëzimit të presidentit Zine El Abidine Ben Ali në mes të janarit të përfshihen në ndërtimin e strukturave demokratike dhe të mos largohen nga vendi. Më shumë se 5.000 refugjatë me anije nga Tunizia mbërritën ditët e kaluara në ishullin mesdhetar italian Lampedusa.

Albanews

BE ndihmon Tunizinë

E ngarkuara e BE-së me politikën e Jashtme Catherine Ashton, gjatë një vizite të saj në Tunizi, i premtoi qeverisë kalimtare ndihmë emergjente prej 17 milionë eurosh.

Qeveria tuniziane pati hedhur poshtë propozimin e Italisë, për dërgimin e policëve të saj në këtë vend të Afrikës së Veriut në përpjekje për të ndalur vërshimin e mijëra refugjatëve në drejtim të Italisë. Kjo ështe e papranueshme, tha zëdhënësi i qeverisë tuniziane Tayeb Baccouche, duke shtuar se kontrollin e bregdetit  e kanë në dorë autoritetet tuniziane.

Ministri i Brendshëm italian Roberto Maroni kishte njoftuar se do t’i kërkojë qeverisë së përkohshme në Tunizi leje për stacionimin e përkohshëm të policëve italianë në territorin tunizian. Me qëllim që të pengohet që refugjatë e tjerë të marrin rrugën drejt Evropës.

Albanews

Mijëra tunizianë mbërrijnë në Itali- Shpallet gjendja e jashtëzakonshme humanitare

Mijëra migrantë ilegalë nga Tunizia kanë ardhur ditët e fundit në ishullin italian të Lampeduzës. Qeveria e Romës i ka kërkuar ndihmë Bashkimit Evropian.

Brukseli duhet të dërgojë pa vonuar në Tunizi njësi të agjensisë evropiane për mbrojtjen e kufijve, Frontex, të cilët duhet të patrullojnë përgjatë bregdetit shkruhet në një letër të ministrisë së Jashtme në Romë. Ministri i Brendshëm, Maroni kërkon të mos i hapë kampet e refugjatëve në Lampeduza, megjithë gjendjen emergjente. Ai do t`i dërgojë refugjatët në kampe të tjera pritëse në Itali.