Shkon në 1000 numri i të vrarëve në Libi

Pothuajse 1.000 veta kanë humbur jetën në Libi, sipas Ministrit të Jashtëm Italian Franko Fratini.

“Nuk kemi detaje të plota për numrin e njerëzve që janë vrarë, por besojmë se vleresimet që bëjnë fjalë për 1.000 të vdekur janë të besueshme”, tha Franko Fratini për gazetarët italian në Romë.

Fratini gjithashtu tha se ajo ç’ka kuptohet nga referencat e ambasadës italiane, rajoni lindor i Libisë, Cyrenaica, nuk është më nën kontrollin e Kadafit.

Aeroplanë ushtarakë bombardojnë Tripolin!

Aeroplanë ushtarakë bombardojnë në këto momente kryeqytetin e Libisë Tripoli, sipas kanalit të njohur televiziv Al Jazeera.

Qindra protestues të vdekur në kryeqytetin libian dhe qytete të tjera të vendit, nga dhuna e regjimit të Muamar Kadafit, denoncojnë organizma të pavarur ndërkombëtarë, ndërkohë që BE dhe SHBA, ende nuk po reagojnë aq sa pritet ndaj gjaderdhjes në vendin arab.

Albanews

Vazhdon gjakderdhja në Libi, djali i Kadafit akuzon “separatistët”

Djali i liderit të Libisë Muamar Kadafi, Saif al-Islam Kadafi, me një deklaratë të tijën në kanalin shtetëror LIBYAN TV paralajmëroi se “Libia zhytet në kaos ndërkohë që grupe përçarëse kërcënojnë unitetin e vendit”.

Dëshmi vonë në mesnatën e së dielës nga kryeqyteti i Libisë Tripoli, bëjnë fjalë për të shtëna me armë në rrugët e qytetit, për përplasje të policisë me protestues dhe për makina që digjen. Sipas të të njëjta burimeve që u bënë nëpërmjet telefonave celualar në agjenci ndërkombëtare, dëgjohen zëra njerëzish në rrugët e kryeqytetit,  shumë rrugë të së cilit janë zhytur në errësirë pasi është ndërprerë rryma elektrike.

Dënim me vdekje për autorin e sulmit terrorist në Bombai

Drejtësia Indiane vendosi sot dënimin me vdekje të të vetmit person që mbijetoi nga terroristët e sulmit të përgjakshëm në 2008-ën në Bombai, të cilët shkatuan vdekjen e 166 personave, transmetuan mjetet informative të Indisë.

Sipas të njëjtave burime, dy gjykatësit e Gjykatës së Lartë të Bombait, nuk pranuan apelin e pakistanezit Mohamed Azmar Amir Kasab, përsa i përket pjesëmarrjes së tij në sulme.

23 vjeçar i akuzuar, i vetmi person që mbijetoi nga 10 autorët e sulmeve, ishte dënuar Majin e kaluar me vdekje nga një gjykatë speciale.

Albanews

Interneti, "armik" i librarive

Dashuria e Australianëve  për  blerje nëpërmjet internetit ka çuar në krizë  shumë dyqane dhe tashmë ka goditur edhe libraritë.

Dy zinxhira të mëdha librarish (Borders dhe Angus & Robertson) me më shumë se 200 librari në të gjithë vendin dhe 2.500 të punësuar, tashmë janë vendosur nën kontrollin e menaxherëve.

Sipas drejtuesve të kompanive, problemet e tyre financiare janë pasojë e  faktit se lexuesit e librave tashmë  mund ti blejnë nëpërmjet internetit (kryesisht nga SHBA) me gjysëm çmimi.

Albanews

Al Qaeda rrëmben një shtetase Italiane

Rrjeti televiziv Al Arabia, transmetoi të enjten një mesazh me zë nga një italiane, e cila është marrë peng që nga fillimi i muajit shkurt.

Mesazhi që u publikua nga Al Arabia ishte në frëngjisht dhe në të dëgjohet një zë femre duke thënë: “Unë jam … nga Italia, e cila ështe rrëmbyer ditën e mërkurë më 2 shkurt 2011″.

Stacioni televiziv njoftoi se një burrë i ka kontaktuar dhe është paraqitur si përfaqësues i Al Qaeda në Magrebin islamik, duke pohuar se ata e kanë kryer rrëmbimin.

Albanews

Dy deri në tre stacione bërthamore do të ndërtojë Turqia, deri në 2023-shin

Shpresën se Turqia do të mund të vërë në funksionim dy ose tre stacione bërthamore për prodhim energjie deri në vitin 2023, shprehu sot ministri i Energjisë dhe Pasurive Natyrore,Taner Gildiz.

Zoti Gildiz shënoi akoma se “qeveria turke është e vendosur të kalojë në ndërtimin e stacioneve bërthamore”.

“Vartësia energjitike e Turqisë arrin në masën 70-72%” tha z. Gildiz gjatë një takimi në Ankara i planifikuar me rastin e ndërtimit të stacionit bërthamor në zonën Akuju.

Amnsiti e përgjithshme politike në Tunizi

Qeveria e përkohëshme e Tunizisë, miratoi sot amnistinë e përgjithshme për të burgosurit politikë dhe dekreti përkatës pritet të jepet për shtyp “ditët e ardhëshme”, deklaroi sot zëdhënësi i saj Tagieb Bakus, pas përfundimit të mbledhjes së qeverisë.

Qeveria e parë e përkohëshme kishte deklaruar një projekligj për amnistinë e përgjithshme në 20 Janara, gjashtë ditë pas rënies së regjimit të Ben Ali. Javën e kaluar Parlamenti dhe Kongresi, miratuanligjin me të cilin i japin të drejtën presidentit të përkohëshëm Fued Mebazaa të qeverisë me dekrete, duke anashkaluar parlamentin.

Policia në Bahrein kontrollon pika kyçe

Policë të armatosur në Bahrein po patrullojnë rrugët e kryeqytetit Manama pasi ata përdorën gaz lotsjellës dhe plumba gome për të shpërndarë një protestë anti qeveritare.
Të paktën tre vetë njoftohet se kanë vdekur dhe më shumë se 300 janë plagosur.

Pasi u përpoqën të qetësonin protestuesit, qeveria e Bahreinit bëri një ndryshim të shpejtë në politikë.

Forcat e sigurisë u dërguan për të shpërndarë demonstratën. Punonjës të spitaleve thanë se ata ishin ndaluar të dërgonin ambulanca për të ndihmuar të plagosurit.

Pak minuta para vdekjes…

Kjo fotografi mahnitëse u gjet në një aparat dixhital dhe një muaj e gjysëm pas cunamit që goditi ishullin Sumatra në 2010.

Mendohet se personi që shtypi butonin e aparatit, humbi jetën tragjikisht disa minuta më pas së bashku me mijëra njerëz të tjerë.

Albanews

Australia udhëzon qytetarët e saj të bëjnë kujdes në Greqi

Ministria e Jashtme e Australisë, rivlerëson udhëzimin për Greqinë, duke paralajmëruar vizitorët, nga njëra anë për shfaqjen e papritur të dhunës, me vendosjen e eksplozivëve në ndërtesat private dhe qeveritare dhe nga ana tjetër për grevat e përsëritura të punonjësve të Transportit Publik.

Në udhëzimin e dytë të ministrisë, i cili nuk ndryshon shumë nga i mëparshmi i lëshuar prej saj, shënohet se “dhuna mund të lind pa paralajmërim në Greqi, vend ku shënohen vendosje bombash në ndërtesa private dhe shtetërore”.

Në udhëzimin turistik, nënvizohet më tej për qytetarët australianë se “grevat ndohin më shpesh në Greqi. Greva shënohen edhe në mjetet e transportit publik, me pasojë ndikimin në planet tuaja për të udhëtuar në Greqi”.

Albanews

Kaos bankar në Bregun e Fildishtë

Radhë të gjata u formuan sot jashtë bankave në kryeqytetin e Bregut të Fildishtë, Abixhan, nga qytetarë të cilët shpejtuan të tërheqin të hollat e tyre nga sistemi bankarë, i cili që paralizuar.

Në bankomate nuk ka më rezerva të hollash, ndërsa bankat kanë ulur shumën maksimale të cilën mund të tërheqin depozituesit.

Tre banka ndërkombëtare kanë pezulluar operimin e tyre në vend, i cili ndodhet i izoluar, pasi Laurent Gbangbo pas humbjes së tij presideciale refuzon të jap dorëheqjen.

Mjaft banka të tjera deklaruan se po ndjekin me vëmendje gjendjen e krijuar.

Iran: Maxhoranca kërkon dënimin me vdekje të udhëheqësve opozitarë

Në Iran, anëtarët e parlamentit po kërkojnë dënimin me vdekje për udhëheqësit e opozitës, që organizuan dje manifestime anti qeveritare në disa qytete të vendit. Ligjvënësit konservatorë thanë sot se udhëheqësit e opozitës, Mir Hosein Musavi dhe Mehdi Karrobi duhet të gjykohen për kryengritje, shkelje që dënohet me vdekje.

Dy udhëheqësit reformatorë të opozitës kishin bërë thirrje për manifestimet e djeshme në Teheran dhe gjetkë për të treguar solidariteet me kryengritjet në vendet arabe kundër qeverive autoritare.

Opozita në Iran thotë se me sa duket forcat e sigurimit arrestuan qindra veprimtarë anti qeveritarë, duke shtypur kështu manifestimet e djeshme.

BE ndihmon Tunizinë

E ngarkuara e BE-së me politikën e Jashtme Catherine Ashton, gjatë një vizite të saj në Tunizi, i premtoi qeverisë kalimtare ndihmë emergjente prej 17 milionë eurosh.

Qeveria tuniziane pati hedhur poshtë propozimin e Italisë, për dërgimin e policëve të saj në këtë vend të Afrikës së Veriut në përpjekje për të ndalur vërshimin e mijëra refugjatëve në drejtim të Italisë. Kjo ështe e papranueshme, tha zëdhënësi i qeverisë tuniziane Tayeb Baccouche, duke shtuar se kontrollin e bregdetit  e kanë në dorë autoritetet tuniziane.

Ministri i Brendshëm italian Roberto Maroni kishte njoftuar se do t’i kërkojë qeverisë së përkohshme në Tunizi leje për stacionimin e përkohshëm të policëve italianë në territorin tunizian. Me qëllim që të pengohet që refugjatë e tjerë të marrin rrugën drejt Evropës.

Albanews

“Al Masry – Al Youm”: Në gjëndje kome Mubaraku

Me një reportazh në faqen e parë gazeta egjiptiane “Al Masry – Al Youm”, thotë se shëndeti i ish presidentit egjiptian Hosni Mubarak është në gjendje kritike dhe ka shumë mundësi që ai të ketë rënë në gjendje kome.

Sipas gazetës, Mubaraku ka pësuar tronditje të madhe psikike pas dorëheqjes së tij, ai  humbi  ndjenjat dhe i ranë të fikët, ndërsa dy herë u mundaua të filmonte fjalimin e tij të fundit të enten e kaluar me të cilin i drejtohej popullit egjiptian.

Të njëjtën gjë pohoi pak më parë  edhe versioni elektronik i gazetës “Al Ahram”, duke cituar burime jozyrtare.

Megjithatë informacioni ende nuk është përgënjeshtruar.

Albanews

Julian Asanz denoncon ndërhyrjen amerikane

Julian Asanz akuzon ndërhyrjen e SHBA-së, e cila kërkoi nga Twitter-i ti jap të dhëna personale të tre personave, që kishin llogari në mjetin e komunikimit publik, me qëllim për të përfituar inforamacion nga Wikileaks ose nga ndërtuesi i saj.

Gjykata Ferderale në Aleksandri (në lindje të Virxhinias) do kontrollojë sot vlefshmërinë e urdhërit të gjykatës me të cilin kërkohet nga Twitter-i të jap të dhëna për deputeten nga Islanda Brigita Jonsdotir, për analistin amerikan Xheikob Aplbaum si dhe për hollandezin Rop Gongrip, bashkëpuntor i Wikileaks.

Izraeli u ndërpret pensionet dhe privilegjet shtetërore , deputetëve të implikuar

Parlamenti izraelit miratoi ligj me të cilin u privohet e drejta për pension dhe përkrahje shtetërore deputetëve ose ish-deputetëve të implikuar në çështje kriminale dhe që i shmangen drejtësisë.

“Bishara”, sikurse u quajt igji i ri, që u miratua gjatë votimit të tretë dhe të fundit me 36 vota dhe 11 kundër, ka për qëllim kryesisht deputetin Azmi Bishara, figurë e spikatur e botës Arabe në Izrael dhe ish-kryetar i Bashkimit Demokratik Kombëtar, një partie arabe në Izrael e njohur si “Balad”.

Pakistani lëshon urdhër arresti për ish-Presidentin Musharraf

Zyrtarë pakistanezë thonë se një gjykatë që merret me çështje anti-terroriste ka lëshuar urdhër-arrestin për ish Presidentin Pervez Musharraf, në lidhje me atentatin kundër ish kryeministres Benazir Bhutto.

Autoritetet thanë se Gjykatësi Rana Nisar Ahmad e lëshoi urdhër-arrestin sot, duke urdhëruar që zoti Musharraf të paraqitet në gjyq më 19 shkurt.

Zoti Musharraf jeton në mërgim, në Londër për më tepër se 2 vjet.

Zonja Bhutto u vra nga një sulm me armë dhe me një shpërthim vetë-vrasës bombe më 27 Dhjetor 2007, ndërsa  po zhvillonte fushatë në Rawalpildi. Ajo kishte vënë kandidaturë  në zgjedhjet e përgjithshme si udhëheqëse e opozitës, Partia Popullore e Pakisitanit.

Zëdhënësi i zotit Mushrraf tha në një intervistë për televizionin Al Xhazira se zoti Musharraf do të paraqitet para gjykatës, vetëm kur të jetë koha e përshtatshme.

Albanews

Uria globale

Një studim i komisionuar nga qeveria britanike bën thirje për veprim urgjent për të parandaluar urinë globale në dekadat e ardhshme.

Popullsia në botë parashikohet të rritet në 9 miliard deri në 2050 dhe përllogaritjet sugjerojnë se prodhimi i ushqimeve do të duhet të dyfishohet në 40 vitet e ardhshme për të ushqyer të gjithë.

Vitin e kaluar kemi njoftuar për rritjen në masë të çmimeve të ushqimeve dhe pakësimin e burimeve, qofshin tokë, ujë dhe apo naftë.

Pengesat janë të shumta. Sër John Beddington, këshilltari kryesor shkencor i qeverisë britanike theksoi sfidat e mëdha, të cilat duhet të tejkalohen.

"Ne e dimë që bota po zhvillohet dhe kërkesat për produkte bazë, ushqim, ujë dhe energji, do të rriten me rritjen e prosperitetit, " thotë
zoti Beddington.

Gjëndja ekonomike në Egjipt Gjatë Mubarak