Këshilli i Evropës: Fëmijët e emigrantëve nuk duhet të mbahen në ambiente izolimi

Fëmijët e emigrantëve nuk duhet të mbahen në ambientet e pritjes dhe izolimit, thekson Këshilltari për të drejtat e njeriut në Këshillin e Evropës Tomas Hammarberg.

Frikën dhe pasigurinë përjetojnë fëmijët e emigrantëve, që mbërritën të pashoqëruar ose me prindërit e tyre në shtetet Evropiane dhe mbahen në burgje ose në ambiente për pritjen e emigrantëve, edhe pse vet ata nuk kanë kryer asnjë vepër penale, nënvizon Këshilltari për të drejtat e njëriut të Këshillit të Evropës Tomas Hammarberg.

Në shumicën e rasteve, thekson, fëmijët e emigrantëve nuk kanë të drejtë të gëzojnë shërbime shëndetësore dhe arsimimi dhe janë të pambrojtur ndaj akteve të dhunës.

Edhe pse nuk ka të dhëna të sakta statistike, analizat e shërbimeve të OKB-së dhe OJQ-ve vërtetojnë se mijra fëmijë emigrantësh vazhdojnë të mbahen sistematikisht, me gjithë vërejtjet e Këshillit të Evropës dhe Bashklimit Evropian, sqaron Këshilltari.

E Majta Demokratike shpreh shqetësimin për lënien pezull të marrëveshjes trepalëshe për Parkun e Prespës

Shqetësimin e saj shpreh partia e Majta Demokratike, për mos zbatimin e marrëveshjes trepalëshe Greqi – Shqipëri – FYROM, ku parashikohet “Mbrojtja dhe Zhvillimi i Parkut të Prespës”. Sipas marrëveshjes në fjalë, të tre vendet u zotuan zyrtarisht të krijojnë, me mbështetjen energjike të BE, mekanizëm bashkëpunimi ndërkufitar për mbrojtjen e ambientit dhe zhvillimin ekonomik të lagunës së Prespës.

Tre vendet dhe Bashkimi Evropian, detyrohen ligjërisht ,tashmë, për krijimin e strukturave të bashkëpunimit me qëllim zhvillimin e strategjive të përbashkëta dhe të zbatojnë masa, sa për mbrojtjen e ambientit aq edhe për aktivitetet njerëzore në zonë sikurse janë bujqësia, peshkimi, turizmi, infrastruktura etj. Gjithashtu, marrëveshja vë në plan të parë tema të rëndësisë së veçantë, siç janë menaxhimi i ujrave, përmbledhur edhe planifikimit të skemave për menaxhimin përfundimtar të ujrave rrjedhëse të lagunës, sikurse parashikon Udhëzimi Evropian për Ujrat, si dhe të ngritjes së grupit të punës për nxitjen dhe zabtimin efikas të kësaj teme të rëndësishme.

Konsultë qeveritare, ndën mbikqyrjen e J.Papandreut, për emigracionin e paligjshëm

Problemi i emigracionit të paligjshëm ishte në epiqendër të konsultës së sotme të mbikqyrur nga kryeministri Jorgos Papandreu në Parlament, ku morën pjesë ministri i Brendshëm Jannis Ragusis, Mbrojtjes së Qytetarit Hristos Papuçis, Punësimit Luka Kaceli, zëvendësministri Jorgos Kutrumanis dhe ndihmës ministrat Anna Dalara dhe Hristos Ajdhonis.

Konsulta kishte më tepër karakter hulumtues përmes hedhjes së propozimeve, teksa pritet brenda një afati dhjetëditor të zhvillohet edhe një e dytë, sërish ndën mbikqyrjen e kryeministrit.

Gjatë konsultës u propozua “zbutja” e maksimumit për  grumbullimin e ensimave (ditët e punës që vlejnë për rinovimin e lejes së qëndrimit që arrijnë në 400 për dy vjet), me qëllim të mos dalin nga ligjshmëria emigrantët, dhe paralelisht ministritë e Brendshme dhe të Punësimit do të paraqesin një plan analize dhe kategorizimi të atyre që janë të paligjshëm.

J.Petalotis për emigrantët: “Qëndrimi i qeverisë nuk ndryshon, nuk do të ketë ligjërime masive”

“Eshtë në fuqi pozicioni ynë se nuk do të ketë asnjë ligjërim masiv ose të veçantë, pa përmbushje të dispozitave ligjore dhe nuk do të sprapsemi sepse asnjë veprim nuk mund të përmbys ligjshmërinë e veprimeve të shtetit grek”.

Këtë theksoi zëdhënësi i qeverisë  Jorgos Petalotis pasi u pyet – me rastin e konsultës ndërministrore të mbikqyrur nga  kreminsitri për emigrantët – nëse qeveria kërkon ndonjë formulë për ligjërimin e emigrantëve që plotësojnë kushtet juridike, por nuk munden të mbledhin ditët e nevojshme të punës për të rinovuar lejen e qëndrimit.

“Çdo çështje tjetër ekziston, natyrisht që analizohet por pa patur diçka konkrete dhe natyrisht duke mbajtur parasysh interesat shoqërore dhe ligjshmërinë të cilën me asnjë mënyrë nuk do pranojmë që të shkelet”, nënvizoi.

Albanews.gr

6 arreste per vrasjen nga kryeministria!

TV NEWS24 fokuson pamjet e vrasjes së njërit prej protestuesve para derës së kryeministrisë. gjatë protestës së dhunshme anti-qeveritare të organizuar dje nga Opozita e Bashkuar para selisë së kryeministrisë në bulevardin "Deshmoret e Kombit". Ndërsa jashtë kangjella të kryeministrisë, (nga piramida) qëndrojnë demonstruesit nga brenda ambjenteve të selisë qeveritare qëllohet me armë. Nga mënyra se si ka rënë në tokë viktima, kuptohet se plumbi që i mori jetën të ketë ardhur nga brenda oborrit të kryeministrisë.

Kamera fokuson momentin kur një ushtar i ulur në gjunjë në krah të godinës së kryeministrisë qëllon me automatik dhe një demonstrues bië në tokë mbrapsht.
Burri bie në tokë pa ndenja dhe merret në krahë nga demonstruesit e tjerë. Viktima mendohet të jetë 42 vjecari nga Gjirokastra Ziver Veizi. Ndërkaq jo shumë metra larg tij, kamera e NEWS24 fokuson dhe një tjetër të ri të shtrirë buzë trotuarit, ndërsa të tjerët përpiqen të vijnë në ndihmë.


Tre të vdekur dhe 61 të plagosur rëndë është bilanci i përleshjeve të ashpra mes demonstruesve dhe forcave të rendit. Nga të plagosurit rëndë, por pa rrezik për jetën, janë 31 civilë dhe 27 policë. Viktimat jane Faik Myrto, 50-vjeç nga Fieri Ziver Veizi, 48 vjeç nga Gjirokastra Hekuran Deda nga Dibra. Mes të plagosurve është dhe gazetari Fatos Mahmutaj, i cili ka marrë një plumb në krah.

PROKURORIA, URDHËR ARRESTI PËR 6 DREJTUES TË GARDËS 

Është krim të jesh opozitar?

Nga Mustafa Nano

Ora është 19.30. Agjencitë e huaja të lajmeve kanë zënë ta vënë si lajm të parë atë që ndodhi sot në Tiranë. Ndërsa ne të këtushmit jemi duke bërë bilancin e ditës. Janë tre të vrarë. Policia shqiptare pra ka vrarë tre vetë. Dhe ka lënduar disa dhjetra. Deri tani nuk ka folur asnjë nëpunës i shtetit, aq më pak ndonjë dinjitar i lartë, për këta tre shqiptarë, që nuk jetojnë më. Askush nuk jep një version zyrtar të ngjarjeve tragjike; askush nuk shpjegon rrethanat; askush nuk shkon në spital të interesoshet për të plagosurit. Dhe nuk ka se si të shkojë, pasi ata shqiptarë janë vrarë e plagosur për krimin e vetëm që kanë qënë opozitarë. Në vitin 2011 në Shqipëri është krim të jesh opozitar. Por vini re: jo krim që ndiqet penalisht në shkallët e sallat e gjykimit, por krim që ndëshkohet aty për aty, me vendim snaiperash. Nuk është kështu, zotërinj të policisë? Na jepni versionin tuaj, atëherë! Na shpjegoni pse u vranë këta të tre! Çfarë ishin duke bërë kur u vranë? Ishin duke linçuar ndokënd? Kishin vënë poshtë ndonjë polic, dhe po e mbysnin apo po i zinin frymën? Duhet një shpjegim. Duhet shpjegimi, jo për të marrë vesh ndonjë rrethanë që justifikon egzekutimin e tre shqiptarëve (nuk ka rrethana të tilla në ngjarjen e sotme; vërtet, është e përligjur të vrasësh dikë që po qëllon me gurë kundër policëve?), por për të marrë vesh se vrasjet janë bërë me logjikë të ftohtë kriminale.

Akuzat e deputetit Marty mund të ndikojnë në marrëdhëniet e Kosovës me Perëndimin

Akuzat për krim të organizuar dhe trafikim organesh ndaj kryeministrit Hashim Thaçi dhe Ushtrisë Çlirimtare të Kosovës të bëra nga parlamentari Dik Marti në raportin e tij, rrezikojnë të pengojnë përpjekjet e Prishtinës për të siguruar njohjen e plotë të pavarësisë së saj dhe mund të kenë ndikime të mëdha në marrëdhëniet e shtetit të ri me Perëndimin.

Raporti pretendon se në baza të tilla si kjo e ashtuquajtur “Shtëpi e Verdhë” në Shqipëri, pjestarë të Ushtrisë Çlirimtare të Kosovës kanë vrarë deri në 500 të burgosur dhe u kanë hequr organet për t’i shitur në tregun e zi ndërkombëtar.

Autori i tij, raportuesi i Këshillit të Evropës, Dik Marti, thotë se krimet u mbuluan pas luftës në Kosovë.

"Kjo dihej nga shumë njerëz të cilët privatisht e pohonin se e dinin por për arsye politike kishin vendosur të mos flisnin," tha zoti Marti.

Raporti madje cilësonte Kryeministrin e Kosovës, Hashim Thaçi, si kreun e një bande kriminale që përfitonte nga tregtia e organeve dhe që merrej me vrasje dhe trafikim droge.

Zoti Thaçi, partia e të cilit fitoi në zgjedhjet parlamentare të 12 dhjetorit, thotë se këto akuza janë përpjekje për të hedhur baltë mbi udhëheqësit e vendit.

Η “Οδός Μεταναστών”

Αλλάζει ο εμπορικός χάρτης ενός από τους πλέον τραγουδισμένους δρόμους της Αθήνας, ως αποτέλεσμα αλλοίωσης της πληθυσμιακής ταυτότητας της ευρύτερης περιοχής...
Η συνέχεια στο Ο Δρόμος με τις Φάμπρικες

Dështimi i pritshëm: Shqipëria nuk përmbush kushtet për statusin e vendit kandidat

Komisioni europian njoftoi sot se Shqipëria nuk i ka përmbushur kushtet për të marrë statusin e vendit kandidat. Vendimi është bërë sot i ditur në Bruksel dhe ai shoqërohet nga një analizë e detajuar e zhvillimeve në të gjitha fushat në Shqipëri. Vendimi vjen një ditë pasi dje bashkimi europian miratoi heqjen e vizave për qytetarët shqiptarë dhe ata boshnjakë.

Komisioni Europian ka përpiluar një dokument voluminoz prej 120 faqesh ne të cilin ai analizon në mënyrë të detajuar të gjitha zhvillimet në Shqipëri dhe përputhshmërinë me kriteret e Kopenhagenit. Ndër to siç edhe është paralajmëruar disa herë, të një rëndësie të veçantë janë kriteret politike, ku duket se në pjesën më të madhe të tyre Shqipëria ka ngelur në klasë.

”Efikasiteti dhe qëndrueshmëria e institucioneve demokratike nuk është përmbushur në mënyrë të kënaqshme. Institucionet dhe procedurat parlamentare nuk funksionojnë si duhet” vëren komisioni sipas të cilit “Parlamenti nuk ushtron mbikqyrje efektive dhe kontroll mbi qeverinë. Dialogu politik është konfrontues dhe jo konstruktiv, jo vetëm për shkak të ngërcit politik që zgjat që prej zgjedhjeve të 2009”. Qeveria dhe opozita ndajnë përgjegjësinë për arritjen, përmes një rruge transparente dhe në respekt të kushtetutës, zgjidhjet e duhura për ecjen e vendit drejt integrimit europian, cilëson Komisioni. Situata aktuale politike sipas komisionit rrezikon polarizimin e thellë dhe të tejzgjatur me pasoja serioze përsa i përket aftësisë së klasës politike për arritjen e kompromisit dhe gjetjen e konsensusit për reformat kyce.

John Lennon - stand by me

Ç'do të thotë të jesh homoseksual në Tiranë?

Homoseksualet shqiptarë jetojnë kohë të vështira: mospranimi në një shoqëri konservatore u hap rrugën diskriminimit, dhunës fizike dhe vetëvrasjeve.

"Kam bezdi kur kam afër ndonjë homo, me thënë të drejtën nuk e duroj dot, më vjen t'i fus një dru të mirë. Dreqi e mori çfare meshkujsh janë ata. Ta shpifin, nuk i shoh dot me sy."  Ky burrë tiranas nuk është i vetmi që mendon kështu.

Bezdia, neveria, mospranimi  janë shfaqjet më të hasura të homofobisë se burrave në Tiranë. Kur në metropolin e vendit, që ka një mendësi më të hapur, ka një perceptim të tillë të burrave ndaj pjesës së tyre homoseksuale, kuptohet sesi ai radikalizohet në qytete të tjera dhe në provinca të mbyllura të Shqipërisë. Nga ana tjetër një qëndrim i tillë i vetë burrave ndaj  homoseksualitetit është një barometër për gjithë shoqërinë, shigjeta e të cilit arrin ngjyrën e kuqe të alarmit.

Sekret dje, e fshehtë sot

Përpjekje për ndryshim të rezolutës serbe

	Rezoluta serbe u paraqit në Nju Jork më pak se një javë pas mendimit të dhënë nga GJND-ja

Përpjekjet për ndryshimin e projekt rezolutës serbe që u dorëzua në OKB, vetëm një javë pas vendimit të Gjykatës së Drejtësisë, vlerësohet të kenë hyrë në një fazë të ndërlikuar.

Autoritetet serbe, megjithëse janë deklaruar të hapura për diskutime, kanë këmbëngulur në qëndrimin e mos përfshirjes së vendimit të GJND-së në tekstin e projekt rezolutës së tyre përveç, siç thuhet, marrjes në dijeni të këtij mendimi.

BE-ja thotë se është në dijeni të projekt rezolutës serbe dhe zyrtarë të saj kanë deklaruar se po bëjnë përpjekje për të bashkërenduar qëndrimet me Beogradin zyrtar për ndryshime në përmbajtjen e saj, duke insistuar në njohjen e vendimit të GJND-së dhe hapjen e bisedimeve mes Prishtinës e Beogradit, për çështjet e interesit të përbashkët, por jo edhe të statusit të Kosovës.

Bisedimet për statusin e Kosovës dhe kufijtë aktualë të saj kanë përfunduar!

Britania angazhohet për dialog Kosovë-Serbi për çështje praktike Zëvendës-shefi i misionit britanik në OKB, ambasadori Philip Parham, i tha BBC-së se bisedimet për statusin e Kosovës dhe kufijtë aktualë të saj kanë përfunduar. Ai tha se ky është qëndrim i Britanisë së Madhe dhe i shumicës së vendeve anëtare të BE-së dhe shtoi se pas vendimit të GJND-së për ligjshmërinë e shpalljes së pavarësisë së Kosovës është hapur një fazë e re në marrëdhëniet mes Kosovës dhe Serbisë dhe me BE-në. Ambasadori Parham tha se qeveria e vendit të tij angazhohet për një dialog mes Prishtinës e Beogradit që do të ndihmojë në përmirësimin praktik të gjendjes përmes bashkëpunimit mes dy shteteve për çështje praktike. Në intervistën dhënë BBC-së, ambasadori Parham tha se ishte i zhgënjyer me rezolutën serbe të paraqitur në Asamblenë e Përgjithshme të OKB-së, meqë 'nuk u bënë konsultime paraparake me BE-në'. Ai shfaqi shpresën për arritjen e një pajtimi për një rezolute të përbashkët që 'do të respektojë mendimin e GJND-së për Kosovën'. Me ambasadorin Philip Parham bisedoi korrespondenti i BBC-së në Prishtinë, Arbër Vllahiu. BBC: Zoti ambasador, mbledhja e fundit e KS të OKB-së sërish ka vënë në pah dallimet e thella në mesin e vetë anëtarëve të tij për çështjen e Kosovës. A ia vlen të vazhdohet me mbledhje të tilla, marrë parasysh këto lloj ndarjesh brenda KS të OKB-së?

Pajisja me pasaportat e reja vazhdon të mbetet e vështirë

Kthimi masiv i emigrantëve në Shqipëri për pushimet verore ka rritur dhe fluksin e aplikimeve të tyre për t'u pajisur me kartat e identitetit dhe pasaportat e reja biometrike.

Në minibashkinë 7 në Tiranë qysh herët në mëngjes ka një grumbull të madh qytetarësh që bëjnë aplikime ose tërheqin dokumentet e reja të identifikimit, kartat e pasaportat bimoterike. Nga rreth 40 vetë, të cilët kanë zënë rradhë qysh në orën 8 të mëngjesit, rreth 90 përqind e tyre janë emigrantë.

Kontrollorët të kënaqur me masat e kursimit të Greqisë

Kontrollorët e Bashkimit Evropian dhe të FMN-së janë të kënaqur me masat e kursimit të ndërmarra nga Greqia. Kësti i dytë i kredive mund t'i vihet vendit në dispozicion, tha i ngarkuari i FMN-së për Greqinë, Poul Thomsen, pas një kontrolli dyjavor në Athinë. Kontrollorët në të njëjtën kohë i tërhoqën vëmendjen Greqisë të mos heqë dorë nga kursi i kursimeve dhe të ndërmarrë reforma të tjera. Këtu bëjnë pjesë hapja e sektorëve të izoluar të ekonomisë dhe privatizimi i sipërmarrjeve shtetërore. Athina shpreson në dhënien e miratimit për kredi në shumë prej 9 miliardë euro në 13 shtator. Ky është kësti i dytë i programit të kredive prej gjithsej 110 miliardë eurosh, të ngritur nga vendet e eurozonës dhe FMN-ja për t'a shpëtuar Greqinë nga falimentimi i shtetit.

DW

BP deklaron sukses në fazën e parë të mbylljes përfundimtare të pusit

Gjigandi i naftës BP thotë se operacioni i tij i fundit për të mbyllur përfundimisht pusin e dëmtuar në Gjirin e Meksikës u realizua me sukses. Kompania nxori një deklaratë sot në mëngjes, një ditë pasi filloi operacionin ‘static kill’. Operacioni përfshin pompim argjile në grykën e pusit, e cila më pas do të mbulohet me çimentos.

BP tha pas 8 orë që vazhdonte operacioni i pompimit të baltës, se argjila po e mbante nën kontroll presionin e naftës, gjë që sipas deklaratës së kompanisë ishte rezultati i dëshiruar. Kompania njoftonte se pompimi kishte ndalur dhe ekspertët po analizonin gjendjen në pus për të parë nëse nevojitej argjilë shtesë. Kompania tha se do të bashkëpunojë nga afër me personin përgjegjës që ka caktuar qeveria federale, Admiralin në pension Thad Allen për të vendosur nëse derdhja e çimentos do të bëhet në të njëjtën mënyrë si derdhja e argjilës.

Autoritetet thonë se 4.9 fuçi nafte janë derdhur në det që nga 20 prilli kur shpërtheu platforma e shpimit duke shkaktuar vdekjen e 11 vetëve.

voanews

Këshilli i Sigurimit debaton për Kosovën

Mbledhja e KS të OKB-së u përqëndrua në mendimin e GJND-së Këshilli i Sigurimit i OKB-së ka debatuar, mes përplasjesh, për Kosovën, për herë të parë që nga vendimi i Gjykatës Ndërkombëtare të Drejtësisë për ligjshmërinë e pavarësisë. Edhe seanca e të martës e KS të OKB-së mbi Kosovën ka kaluar në përplasje të thellë mes përfaqësuesve të Prishtinës e Beogradit nga njëra anë dhe vendeve anëtare që e kanë njohur Kosovën dhe atyre që nuk e kanë njohur pavarësinë e saj. Debati në Këshillin e Sigurimit u përqëndrua në vendimin e Gjykatës Ndërkombëtare të Drejtësisë, me të cilin Kosova nuk e ka shkelur të drejtën ndërkombëtare me shpalljen e pavarësisë së saj. Ministri i jashtëm serb, Vuk Jeremiç, e ka cilësuar vendimin e gjykatës si mundësi për keqinterpretim të rrezikshëm dhe ka vlerësuar se ajo nuk i jep të drejtën Kosovës për t'u shkëputur dhe për pavarësi. Ai tha se vendi i tij nuk do ta njohë pavarësinë e Kosovës dhe se Serbia do të provojë që me mjete diplomatike të ruajë tërësinë tokësore të saj. Ndërkohë, ministri i jashtëm i Kosovës, Skënder Hyseni, ka thënë se vendimi i GJND-së nuk ka lënë hapësirë për paqartësi dhe ka bërë thirrje për njohjen ndërkombëtare të saj.

Veton Surroi: Kërkesa për rezolutë e gabuar

Z.Surroi thotë se është gabim strategjik të kërkohet rezolutë e re

Veton Surroi, kryetar i bordit të Klubit për Politikë të Jashtme dhe publicist i njohur e ka quajtur gabim strategjik kërkesën e Prishtinës zyrtare për një rezolutë të re për Kosovën. Sipas tij mendimi i dhënë nga Gjykata Ndërkombëtare e Drejtësisë e ka konsumuar Rezolutën 12-44 dhe Kosova nuk duhet të ketë më punë me Këshillin e Sigurimit.

Duke folur për BBC-në ai tha se kërkesa e presidentit të Serbisë, Boris Tadiç, për autonomi të serbëve në Kosovë, është e paqendrueshme, me vendimin e dhënë nga GJND-ja çështja e Kosovës tashmë është e mbyllur.

Me zotin Surroi bisedoi Seladin Xhezairi dhe fillimisht e pyeti se cili ishte komenti i tij për mbledhjen së martës të Këshillit të Sigurimit?

V.Surroi: Më duket se debati ishte i sforcuar, ishte pothuajse i panevojshëm dhe i inicuar nga Serbia dhe gjegjësisht Rusia për të krijuar një përshtypje të re, një riinterpretim të një mendimi të Gjykatës Ndërkombëtare të Drejtësisë i cili ishte fare i qartë.

BBC: Në mbledhjen e Këshillit të Sigurimit u vu re se krahas Shteteve të Bashkuara, tani edhe aleatët e tjerë të Kosovës, kryesisht nga Evropa, kanë përshkallëzuar kritikat në adresë të Beogradit. A mos po gjendet tani Serbia në një situatë edhe më të palakmueshme, që do ta detyronte atë të gjejë gjuhë të përbashkët me vendet e BE-së lidhur me projektrezolutën tashmë të paraqitur në selinë e Kombeve të Bashkuara?

Kriza greke mund të ndikojë shpresat e Ballkanit për në BE

Komisioneri i zgjerimit i BE Stefan Fule (majtas)
bisedon me kryeministrin malazes Milo Gjukanoviç në Podgoricë.

Do ta bëjë bllokun kriza financiare e Greqisë dhe ndihma që pasoi nga BE më nervoz ndaj procesit të zgjerimit në Ballkan? Disa analistë politikë në Malin e Zi mendojnë se po.

"Për fat të keq, efektet e krizës në Greqi do të jenë një masë e rëndësishme dhe mund të shuajnë procesin e shoqërimit," tha sekretari i përgjithshëm i Lëvizjes Evropiane në Malin e Zi, Momçillo Raduloviç. "Gjerësia e krizës kërkon që strukturat drejtuese të BE të përqëndrohen saktësisht në këto procese jo në proceset e shoqërimit për anëtarët e rinj."

Opinioni publik në disa vende të BE po thartohet ndaj zgjerimit për shkak të zemërimit lidhur me situatën ekonomike, tha ai. "Kjo mund të kthehet në një qëndrim të izolacionizmit politik dhe natyrisht ka një pasojë që vendet sapo vijnë të Ballkanit Perëndimor janë të paqëndrueshëm dhe nuk kanë perspektiva të favorshme."

Ivan Jovetiç, një analistë në Institutin për Parashikimin Strategjik dhe lektor në Univeristetin Donja Gorica beson se vonesat në procesin e zgjerimit janë të mundëshme por objektivi nuk do të braktiset përfundimisht.

"Janë investuar tepër energji, burime dhe krijimtari në projektin e integrimit evropian, për t'u lënë mënjanë," i tha ai SETimes. "Përveç kësaj, integrimi i Ballkanit Perëndimor është një çështje sigurie që BE duhet ta zgjidhë përgjithmonë."

Rusia po pengon hetimet e rrëzimit të aeroplanit me presidentin Kaczynski?

Zyrtarët polak po kërkojnë nga Rusia vënien në dispozicion të dokumenteve për të cilat thonë se janë të nevojshme në hetimet lidhur me rrëzimin e aeroplanit që vrau presientin Lech Kaczynski.

Kryeministri Donald Tusk tha të henën se nderkohë që hetimet futen në fazën përfundimtare, bashkëpunimi me Rusinë është më i keq sesa ishte në fillim.       

Gazeta Wyborcza e Polonisë citon kryehetuesin Edmund Klich të thotë se Rusia nuk deshiron t’i vëjë materialet në dispozicion.Gazeta thotë se dokumentet në fjalë ose mund të konfirmojnë ose përjashtojnë se kontrollorët rus të trafikut ajror dhe paisjet e tyre mund të kenë luajtur rol.

Rrëzimi i aeroplanit me 10 prill në afërsi të qytetit rus Smolensk i mori jetën presidentit Kaczynski dhe 95 njerëzve të tjerë në bord. Besohet se mjegulla e dendur mund të ketë luajtur rol në përplasjen e avionit.

 Por hetuesit po shikojnë nëse zoti Kaczynski apo dikush tjetër në aeroplan kishte ushtruar trysni ndaj pilotëve që të provojnë uljen pavarësisht kushteve të këqija atmosferike.

VoaNews

Egzaminohen dorëshkrime të Kafkës në Zvicër

Proçesi është pjesë e një beteje të gjatë ligjore, për ate se kush është pronari i shkrimeve të autorit të ndjerë. Kuti të sigurta depozitash në të cilat gjënden dorëshkrime dhe vizatime nga autori çek Franz Kafka pritet të hapen sot në një bankë në Zvicër. Por vetëm një specialist i veprave të Kafkës do ti shoh ato dhe do ti raportoj një gjykatësi izraelit i cili urdhëroi hapjen e e kutive. Proçesi është pjesë e një beteje të gjatë ligjore, për ate se kush është pronari i shkrimeve të autorit të ndjerë. Dy motra izraelite thonë se janë trashëgimtare të dokumentave nga nëna e tyre e cila i morri ato nga një mik i Kafkës. Por shteti izraelit pretendon se ato janë pjesë e trashëgimisë kulturore të vëndit. BBC

Rijkaard: Cana, ideal për futbollin turk

"Lorik Cana dhe Lucas Neill përshtaten në futboll turk. Skuadrës i është dashur të shtojë fuqinë në fushë dhe me këta lojtarë kemi përfituar mjaft", ka thënë Rijkaard, njofton gazeta turke "Zaman" të dielën. "Ata janë ideal për këtë ligë".

Trajneri i Galatasaray-t, Frank Rijkaard, ka vlerësuar mesfushorin kosovar Lorik Cana, si lojtar ideal për futbollin turk. Rijkaard thotë se në elitën e futbollit turk luhet futboll më fizik dhe se Cana është lojtar i fuqishëm që i përshtatet kjo lojë.

"Lorik Cana dhe Lucas Neill përshtaten në futboll turk. Skuadrës i është dashur të shtojë fuqinë në fushë dhe me këta lojtarë kemi përfituar mjaft", ka thënë Rijkaard, njofton gazeta turke "Zaman" të dielën. "Ata janë ideal për këtë ligë".

Dy përforcimet e Galatasaray-t, Cana dhe australiani Neill, kanë përvojë nga Premier League e Anglisë. Premier League njihet si ligë ku futbolli luhet po ashtu mjaft fuqishëm. Cana në Galatasaray kaloi këtë verë nga Sunderland-i për 6 milionë euro dëmshpërblim, ndërsa Neill skuadrës turke iu bashkua në janar.

Trajneri holandez Rijkaard më herët kishte vlerësuar se Cana ka pak mbipeshë dhe i duhet të mbajë dietë. Këtë edhe është duke e bërë reprezentuesi i Shqipërisë.

Cana 27-vjeçar, njihet si futbollist mjaft i fuqishëm dhe që bën lojë mjaft të fortë defensive. Madje, jo të rralla janë edhe ndëshkimet e tij me kartonë të verdhë.

Cana me skuadrën nga Stambolli ka firmosur kontratë deri në verën e vitit 2014.

Galatasaray në stinorin e fundit në Superligën e Turqisë përfundoi në pozitën e tretë dhe skuadra po garon në Ligën e Evropës.

yll press

Kuba lejon pak ekonomi private

Përballë krizës ekonomike udhëheqja komuniste në Kubë do të lejojë në të ardhmen pak më shumë ekonomi private. Presidenti Raúl Castro, paralajmëroi para asamblesë kombëtare në Havanë se në të ardhmen shtetasit mund të ushtrojnë biznes të vogël dhe të marrin në punë fuqi punëtore. Duke pasur parasysh lirimin e fundit të të burgosurve politikë Castro paralajmëroi opozitën. Ata që vënë në rrezik pavarësinë e Kubës do të dënohen, tha Castro.


DW

Prishtina dhe Beogradi, duhet të dialogojnë drejtpërdrejtë.

Arbër Vllahiu  BBC - Prishtinë

 

	Belgjika ka presidencën e radhës të Bashkimit Evropian

Ministri i jashtëm i Belgjikës,Steven Vanackere, vendi i të cilit ka presidencën e Bashkimit Evropian, i tha BBC-së se nuk janë shuar të gjitha gjasat që të arrihet një konsensus me Beogradin për një projektrezolutë të përbashkët në Asamblenë e Përgjithshme të OKB-së.

Ai tha se BE-ja dëshiron që të arrijë një pajtueshmëri për disa ndryshime në tekstin e projektrezolutës serbe, që çojnë kah logjika e një rezolute jokonfrontuese në Asamblenë e Përgjithshme.

Qeveria e Serbisë ka dorëzuar në OKB një projektrezolutë, e cila ka ngjallur reagimin e një numri vendesh të BE-së dhe SHBA-së.

Ajo kërkon hapjen e një dialogu me Prishtinën për të gjitha çështjet e hapura.

Megjithëse nuk e përmend drejtpërdrejt statusin, projektezoluta serbe vlerëson se shkëputja e e një terrotori nuk është i pranueshëm për 'zgjidhje territoriale'.

Ministri i jashtëm belg tha se nuk janë të dobishme idetë për bisedime rreth statusit të Kosovës, por vlerësoi se një dialog politik mes Prishtinës e Beogradit duhet të vendoset për çështje praktike me interes të përbashkët.

Athina mund të luajë rol për një dialog të drejtpërdrejtë Prishtinë-Beograd

Zëvendësministri i punëve të jashtme të Greqisë, Dimitris Droutsas, tha sot në Prishtinë se vendi i tij mund të ndihmojë në vendosjen e një dialogu të hapur mes Prishtinës dhe Beogradit. Ai tha se Greqia ka një rol të veçantë në perspektivën evropiane për të gjitha vendet e Ballkanit. Zoti Droutsas takoi në Prishtinë kryeministrin Thaçi dhe presidentin Sejdiu, pas takimeve në Beograd me zyrtarë të lartë serbë. Ai tha se vendimi për njohjen e pavarësisë së një vendi është e drejtë e veçantë e secilit shtet.
Nga voanews