Në rrezik nënshtetësia greke për brezin e dytë të emigrantëve

Të gjithë fëmijët e brezit të dytë të emigrantëve që lindën në Greqi, ndjekin ose kanë ndjekur shkollën greke, do të trajtohen me të njëjtën mënyrë sikurse edhe të huajt e rritur, të cilët u legalizuan me ligjin e fundit të vitit 2005. E gjithë kjo, nëse përfundimisht Asambleja e Këshillit të Shtetit legalizon vendimin e Seksionit të Katërt të tij.

Praktikisht kjo do të thoshte se 2500 fëmijë, për të cilët janë dorëzuar kërkesa për dhënien e nënshtetësisë greke, 25 000 fëmijë të cilët kanë lindur pas vitit 2004 nga nëna të huaja si dhe disa mijëra fëmijë të tjerë që janë në moshë më të madhe apo janë rritur, do të trajtohen sikurse erdhën sot në Greqi! E gjithë kjo pasi arsimimi grek, depërtimi në qarqet e shoqërisë greke, në bazë të vendimit të Seksionit të Katërt të Këshillit të Shtetit, nuk konsiderohen të mjaftueshëm për të dëshmuar integrimin e tyre në shoqërinë greke.

“Al Masry – Al Youm”: Në gjëndje kome Mubaraku

Me një reportazh në faqen e parë gazeta egjiptiane “Al Masry – Al Youm”, thotë se shëndeti i ish presidentit egjiptian Hosni Mubarak është në gjendje kritike dhe ka shumë mundësi që ai të ketë rënë në gjendje kome.

Sipas gazetës, Mubaraku ka pësuar tronditje të madhe psikike pas dorëheqjes së tij, ai  humbi  ndjenjat dhe i ranë të fikët, ndërsa dy herë u mundaua të filmonte fjalimin e tij të fundit të enten e kaluar me të cilin i drejtohej popullit egjiptian.

Të njëjtën gjë pohoi pak më parë  edhe versioni elektronik i gazetës “Al Ahram”, duke cituar burime jozyrtare.

Megjithatë informacioni ende nuk është përgënjeshtruar.

Albanews

Julian Asanz denoncon ndërhyrjen amerikane

Julian Asanz akuzon ndërhyrjen e SHBA-së, e cila kërkoi nga Twitter-i ti jap të dhëna personale të tre personave, që kishin llogari në mjetin e komunikimit publik, me qëllim për të përfituar inforamacion nga Wikileaks ose nga ndërtuesi i saj.

Gjykata Ferderale në Aleksandri (në lindje të Virxhinias) do kontrollojë sot vlefshmërinë e urdhërit të gjykatës me të cilin kërkohet nga Twitter-i të jap të dhëna për deputeten nga Islanda Brigita Jonsdotir, për analistin amerikan Xheikob Aplbaum si dhe për hollandezin Rop Gongrip, bashkëpuntor i Wikileaks.

Izraeli u ndërpret pensionet dhe privilegjet shtetërore , deputetëve të implikuar

Parlamenti izraelit miratoi ligj me të cilin u privohet e drejta për pension dhe përkrahje shtetërore deputetëve ose ish-deputetëve të implikuar në çështje kriminale dhe që i shmangen drejtësisë.

“Bishara”, sikurse u quajt igji i ri, që u miratua gjatë votimit të tretë dhe të fundit me 36 vota dhe 11 kundër, ka për qëllim kryesisht deputetin Azmi Bishara, figurë e spikatur e botës Arabe në Izrael dhe ish-kryetar i Bashkimit Demokratik Kombëtar, një partie arabe në Izrael e njohur si “Balad”.

Kategorik J. Papandreu: “Nuk shesim territor, nuk shkojmë në zgjedhje”

U jep fund skenarëve për zgjedhje të parakohëshme por edhe shitjes së territorit grek (siç patën lënë të kuptohej tre dërguarit e përhershëm të “Trojkës”) kryeministri Papandreu, në bisedat me bashkëpunëtorët e tij, të cilat ndodhën gjatë mbledhjes së tejzgjatur të krerëve të PASOK-ut në selinë e rrugës “Ippokratus”.

“E kam theksuar 30 herë. Do përfundojmë katërvjeçarin. Kemi përpara dy vjet e gjysëm për të përfunduar misionin që kemi ndërmarrë”, nënvizoi J. Papandreu.

Njëkohësisht, kryeministri bëri të qartë se “në asnjë rast nuk mund të bisedojmë për të shitur territor grek”.

Ato që biesedojnë për krizën në Shqipëri, por nuk i thonë publikisht, Parlamentarët Evropianë

Ato që nuk thonë kurrë në deklarimet publike. Zbardhet biseda mes Lajçak, Svoboda, Kukan, Boshtinaru etj, pasi i dërguari në Tiranë, u tregon për bisedat konfidenciale me Berishën dhe Ramën

Nuk ka shqiptar që nuk e ka bërë së paku njëherë me zë të lartë këtë pyetje: “Ore çfarë mendojnë vërtet këta ndërkombëtarët, si e kanë hallin që flasin me arra në gojë?” Dhe një përgjigje mund ta marrim nga zbardhja e kësaj bisede mes zyrtarësh të lartë të BE-së të angazhuar për të zgjidhur krizën në Shqipëri. Në këtë komunikim të lirshëm midis tyre, ata janë shumë më pask “zyrtarë” se në deklarimet publike. Biseda zhvillohet ne Parlamentin Europian, pak pasi Lajcak ka raportuar çfarë ka biseduar me Berishen e Ramën në takimet kokë më kokë në Tiranë

Mijëra tunizianë mbërrijnë në Itali- Shpallet gjendja e jashtëzakonshme humanitare

Mijëra migrantë ilegalë nga Tunizia kanë ardhur ditët e fundit në ishullin italian të Lampeduzës. Qeveria e Romës i ka kërkuar ndihmë Bashkimit Evropian.

Brukseli duhet të dërgojë pa vonuar në Tunizi njësi të agjensisë evropiane për mbrojtjen e kufijve, Frontex, të cilët duhet të patrullojnë përgjatë bregdetit shkruhet në një letër të ministrisë së Jashtme në Romë. Ministri i Brendshëm, Maroni kërkon të mos i hapë kampet e refugjatëve në Lampeduza, megjithë gjendjen emergjente. Ai do t`i dërgojë refugjatët në kampe të tjera pritëse në Itali.

Pakistani lëshon urdhër arresti për ish-Presidentin Musharraf

Zyrtarë pakistanezë thonë se një gjykatë që merret me çështje anti-terroriste ka lëshuar urdhër-arrestin për ish Presidentin Pervez Musharraf, në lidhje me atentatin kundër ish kryeministres Benazir Bhutto.

Autoritetet thanë se Gjykatësi Rana Nisar Ahmad e lëshoi urdhër-arrestin sot, duke urdhëruar që zoti Musharraf të paraqitet në gjyq më 19 shkurt.

Zoti Musharraf jeton në mërgim, në Londër për më tepër se 2 vjet.

Zonja Bhutto u vra nga një sulm me armë dhe me një shpërthim vetë-vrasës bombe më 27 Dhjetor 2007, ndërsa  po zhvillonte fushatë në Rawalpildi. Ajo kishte vënë kandidaturë  në zgjedhjet e përgjithshme si udhëheqëse e opozitës, Partia Popullore e Pakisitanit.

Zëdhënësi i zotit Mushrraf tha në një intervistë për televizionin Al Xhazira se zoti Musharraf do të paraqitet para gjykatës, vetëm kur të jetë koha e përshtatshme.

Albanews

Tregjet ndërkombëtare e presin pozitivisht dorëheqjen e presidentit Mubarak

Pozitiv ishte reagimi i bursave evropianoperëndimore me largimin e Mubarak-ut nga presidenca e Egjipit, “me investorët, sikurse vihet re gjithmonë, të rivijnë në një rishikim më ekonomik të ngjarjeve, pas zgjidhjes së ndonjë paqartësie politke”, sikurse theksoi shumica e analistëve. Pati pozicionime të përzgjedhura në aksionet e mallrave, dje.

Treguesit kryesor të tregjeve evropianoperëndimore, ndonëse kishin humbje gjatë seancës të ditës së djeshme, pas dorëheqjes së Mubarak-ut e mbyllën seancën e fundit të javës pozitivisht.

FMN,BE dhe Banka Qendrore Evropiane shprehin keqardhjen për ndodhinë e së premtes

Keqardhjen e tyre shprehin të dërguarit e FMN-së, BE-së dhe BQE në një deklaratë që lëshuan të shtunën pas mesnate, për përyshtypjet që u krijuan në Greqi pas konferencës për shtyp të së premtes, ku midis të tjerash sugjeronin edhe privatizime dhe shitje të pasurisë shtetërore, deri në shumën e 50 miliardë eurove dhe që ngriti një furtunë reagimesh nga politika greke. Pas protestës që bëri edhe vetë kryeministri Papandreu, në kontaktin telefonik me drejtorin e FMN-së D.S.Kahn dhe Komisionerin Oli Rehn, në deklaratën e të dërguarve të “Trojkës” thuhet:

Uria globale

Një studim i komisionuar nga qeveria britanike bën thirje për veprim urgjent për të parandaluar urinë globale në dekadat e ardhshme.

Popullsia në botë parashikohet të rritet në 9 miliard deri në 2050 dhe përllogaritjet sugjerojnë se prodhimi i ushqimeve do të duhet të dyfishohet në 40 vitet e ardhshme për të ushqyer të gjithë.

Vitin e kaluar kemi njoftuar për rritjen në masë të çmimeve të ushqimeve dhe pakësimin e burimeve, qofshin tokë, ujë dhe apo naftë.

Pengesat janë të shumta. Sër John Beddington, këshilltari kryesor shkencor i qeverisë britanike theksoi sfidat e mëdha, të cilat duhet të tejkalohen.

"Ne e dimë që bota po zhvillohet dhe kërkesat për produkte bazë, ushqim, ujë dhe energji, do të rriten me rritjen e prosperitetit, " thotë
zoti Beddington.

Në protestë policët egjiptianë

Qindra policë egjiptianë, protestuan sot në qytetin Ismailija, një qytet i madh që ndodhet në Kanalin e Suezit, për korrupsionin në radhët e policisë duke akuzuar eprorët e tyre se u dhanë urdhër të qëllojnë mbi demonstruesit.

Policë me uniformë dhe pjestarë të policisë sekrete, zhvilluan protestën në bulevardin qendror të qytetit me thirrjen “ popull dhe polici, bashkë”.

Policia, që ndodhet në një periudhë të vështirë për të dhe nuk gëzon popullaritet, u bë e urryer për popullin pas përleshjeve të përgjakshme me demonstruesit. Policia akuzohet gjithashtu se, la të lirë të burgosur në të gjithë vendin, duke detyruar qytetarët të vetorganizohen për të përballuar plaçkitjet dhe akte të tjera kriminale.

Albanews

SHBA dhe BE shprehin shqetësim për dhunën në Parlamentin shqiptar

Në Shqipëri ambasada amerikane dhe delegacioni i Bashkimit Europian shprehën shqetësimin e thellë për situatat e dhunës në parlamentin shqiptar dy ditë më parë

Gjatë seancës të së enjtes, deputeti i shumicës Edi Paloka pati një përplasje me deputetin e opozitës Paulin Stërkaj i cili i hoqi me forcë mikrofonin nga dora, ndërsa më pas deputeti tjetër socialist Armando Prenga e qëlloi me grusht.

“Populli shqiptar pret nga anëtarët e parlamentit të sillen me pjekuri, veçanërisht në situatën e tanishme, të tregojnë respekt për kolegët dhe institucionin e parlamentit”, shkruhet në deklaratën e përfaqësisë amerikane dhe asaj të Bashkimit Europian.

“Mosmarrëveshjet mes partive duhet të zgjidhen përmes dialogut civil” përfundon deklarata.

Albanews

Plas skandal me Priftin, filmoi veten duke marrë 70 mijë euro

Thellohet edhe më tepër skandali i përgjimeve. Këtë herë është vet ish-ministri i Ekonomisë, Dritan Prifti, ai që ka rënë “viktimë” e përgjimeve të tija.

Burime nga Prokuroria e Përgjithshme bënë të ditur për agjencinë e lajmeve NOA, se ky institucion ka kërkuar nga Kuvendi heqjen e imunitetit të deputetit, Prifti.

Shkak është bërë një tjetër video e “dorëzuar” nga ish-ministri ku ai vetë shfaqet duke marrë rreth 70 mijë euro në dorë nga një zyrtar i Ministrisë së Ekonomisë.

Komisionerja e Lartë e BE, Katherin Ashton së shpejti në Shqipëri

Kriza e rëndë politike në Shqipëri e thelluar pas ngjarjeve të 21 Janarit, ka bërë që shumë shpejt në Tiranë të mund të shkojë edhe Komisionerja e Lartë e Bashkimit Europian për Politikën e Jashtme dhe Sigurinë, Katherin Ashton.

Kjo u njoftua sot nga Majkëll Man, një zëdhënës i Komisionit Europian.

Baronesha Ashton shpreson të vizitojë Tiranë shumë shpejt pas përfundimit të turneut të saj në Lindjen e Mesme dhe Afrikën Veriore javën e ardhshme, njoftoi sot zëdhënësi. Sipas burimeve nga Brukseli, nëse kjo vizitë nuk realizohet në këtë moment, atëherë pritet të jetë në javën pasuese.

Gjëndja ekonomike në Egjipt Gjatë Mubarak

Reagimet në botën Arabe pas dorëheqjes së Hosni Mubarak

Opozitari Mohamed el Baradey deklaroi, pas publikimit të dorëheqjes së Hosni Mubarakut se, dita e sotme është më e mira e jetës së tij.

“E prisnim për dhjetëvjeçarë këtë ditë. Presim me padurim të bashkëpunojmë me ushtrinë për të përgatitur zgjedhje të drejta dhe të lira. Pres me padurim periudhën tranzicionale gjatë së cilës ushtria do ndajë pushtetin me popullin”, deklaroi El Baradey për Reuters.

Incident fetar në Shkup, kisha ndërtohej natën në lagje muslimanësh

Qytetarët, në lagjen Kala të Shkupit, të banuar kryesisht nga besimtarë muslimanë, penguan punimet në një kishë të saponisur.

Pa u ditur me urdhër të kujt, rreth 50 punëtorë të sjellë nga Manastiri kishin filluar ndërtimin e objektit.

Punimet kishin filluar rreth orës 20:00 të mbrëmjes , kur qytetarët në mënyrë spontane rendën për të parë atë çka po ndodhte rreth orës 23:00. Atyre iu bashkëngjiten edhe krerët të lartë të BDI-së-, ministra dhe deputetë.

Presidenti egjiptian, Hosni Mubarak, largohet nga Egjipti

Disa orë pasi deklaroi publikisht se nuk do të largohej nga pushteti deri në zgjedhjet presidenciale të shtatorit, Presidenti i Egjiptit Hosni Mubarak është larguar nga Egjipti. Lajmin e ka bërë publik rrjeti i njohur mediatik BBC, i cili bën të ditur se Presidenti egjiptian është larguar nga Egjipti bashkë me familjen e tij.

BBC thekson më tej se nuk dihet se në ç’vend ka shkuar Presidenti Mubarak, i cili as 24 orë më parë mbrëmjen e të enjtes deklaroi përballë popullit se nuk do të marrë parasysh asnjë thirrje nga jashtë, por do të qëndrojë në detyrë.

Bloomberg: Greqia dhe Italia nuk janë dakord me sugjerimet e Komisionit Evropian për uljen e ritmit vjetor të borxhit

Greqia dhe Italia kanë shrehur hezitim në propozimin e Komisionit Evropian për uljen vjetore të borxhit shtetëror të vendeve të BE-së, sipas një njoftimi të agjencisë Bloomberg.

Propozimi i Komisionit Evropian, në kuadrin o rishikimit të Marrëveshjes së Zhvillim Stabilizimit për përforëcimin e disiplinimit financiar, parashikon që vendet anëtare me borxh më të lart se 60% të Produktit Kombëtar Bruto do të jenë të detyruara të ulin çdo vit defiçitin e tyre në masën 1/20, në të kundërt do të ndëshkohen.

Presidenti Sarkozi u ndalon ministrave pushimet jashtë vendit

Sarkozi ka kritikuar dy rastet e fundit, të ndodhura me Kryeministrin dhe Ministren e Jashtme, të cilët kanë pranuar udhëtime dhe pushime falas në Egjipt dhe Tunizi, para se të shpërthenin revoltat popullore në të dy vendet. “Tani e tutje, anëtarët e qeverisë duhet të preferojnë Francën për pushimet e tyre”,- është shprehur Sarkozi me anë të një deklarate. Tashmë, ftesat e jashtëm do të autorizohen nga kryeministri dhe sektori diplomatik për të parë nëse ato janë në përputhje me politikën e jashtme të Francës.

Burg pa afat për gardistin e akuzuar për vrasje

Gjykata e Tiranës dha dje masën “burg pa afat”  për Agim Llupon  në postin e  Shefit të Shtabit të Njësisë Speciale në Gardën e Republikës. Llupo u arrestua disa ditë më parë si i akuzuar për vrasjen e Ziver Veizit në demonstratën e 21 janarit.

Seanca për shqyrtimin e kërkesës së Prokurorisë u zhvillua me dyer të mbyllura. Sipas mediave shqiptare, avokati mbrojtës i Llupos, kërkoi një masë më të lehtë sigurie, pasi sipas tij për masën “arrest me burg” nuk ka prova të mjaftueshme.

Gjithashtu, mësohet se gjatë deklarimeve të tij, Llupo ka mohuar se ka qenë personi i futur në tunelin e kryeministrisë.

albanews

Rusi: 950 oficerë të forcave të sigurimit u dënuan në 2010-ën për çështje korrupsioni

Nëntëqind e pesëdhjetë oficerë të shërbimeve ruse të sigurimit dhe të ushtrisë ruse, u dënuan gjatë vitit 2010, për çështje korrupsioni, sikurse njoftoi sot prokuroria ushtarake e vendit.

“Vitin e kaluar u shënuan më shumë se 9.000 shkelje të ligjshmërisë që lidheshin me çështje korrupsioni në të gjitha instancat e forcave të sigurimit”, deklaroi nënkoloneli Konstandin Beljaev, përgjegjës i sektorit për luftën kundër korrupsionit i prokurorisë ushtarake, sikurse transmetoi agjencia Interfax.

Vazhdon “tortura” nga grevat e makinistëve të MTP

Vazhdon nesër “tortura” e qytetarëve të Athinës nga greva e makinistëve të Mjeteve të Transportit Publik.

Kështu, nuk do të kryejnë nesër iteneraret e zakonshme nga fillimi i turnit dhe deri në orën 8:00 të mëngjesit METRO-ja dhe Elektriku.

Frenat e dorës ngrehin autobusat blu prej orës 11:00 deri në 15:30.

Pushim nga puna prej orës 11:00 deri më 15:00 do të kryejnë punonjësit e trolejve dhe të tramvajit.

Vështirësia në qarkullim pritet të rritet në orën 11:30, orë ku punonjësit e MTP do të grumbullohen në Omonia, nga ku do të marshojnë drejt ministrisë së Transporteve.

Albanews.gr