KE propozon ndryshimin e Kodit të Kufinjve Schengen

Ndryshimin e Kodit të Kufinjve të zonës Schengen, me qëllim lehtësimin, në mënyrë të kontrolluar, të qarkullimit të personave në kufijtë e jashtëm dhe të brendshëm të Bashkimit Europian, propozon në Bruksel Komsioni Europian.

Komisioni thekson se ndryshimet e propozuara do të përmirësonin transparencën e rregullave aktuale dhe do të ndihmonin në përballimin e problemeve praktike që rezultuan gjatë viteve të para të funksionimit të Kodit të Kufinjve të zonës Schengen.

Përfundon greva e urisë e emigrantëve, qeveria greke premton fushatë legalizimi

Mori fund greva e urisë e 300 emigrantëve në Athinë dhe Selanik. Qeveria greke u përcolli atyre një ofertë përmes së cilës, ministrat e  Brendshëm, të Shëndetësisë dhe zëvendësministrja e  ngarkuar me Emigracionin, u bënë të ditur ndryshimet në legjislacion që kanë të bëjnë me emigracionin.

Kështu, nga sot, legalizohen emigrantët që kanë mbushur 8 vjet në Greqi, kurse të tjerët, marrin statusin e personave “nën tolerancë”.

Nga pjesmarrësit në grevë, vlerësohet se 100 prej tyre, legalizohen automatikisht.

Albanews

Projektligji: Pagimi me këste i energjisë elektrike

Masa për mbrojtjen e konsumatorëve dhe veçanërisht të grupeve më në nevojë, me fatura të ulta, lehtësi në shlyerjen e llogarive dhe ndalimin e prerjes së energjisë elektrike në periudha të caktura (sikurse në rastin e kushteve të këqija atmosferike), pritet të marrë qeveria greke.

Të gjitha këto masa parashikohen, midis të tjerash, në projekligjin për përshtatjen e legjislacionit kombëtar të energjisë me atë të Bashkimit Europian, i cili u prezantua në Këshillin e Ministrave nga ministrja e Ambientit, Energjisë dhe Ndryshime Klimaterike, Tina Birbili.

Forbes publikon listën e re të miliarderëve

Revista amerikane “Forbes”, si çdo vit, publikoi listën e miliarderëve në të gjithë botën. Kështu, vetëm në Moskë jetojnë 79 miliarderë, të cilët, sikurse shkruan revista,  përbëjnë një të tretën e miliarderëve në Evropë, ndërkohë që në New York jetojnë 58.

“Forbes” shkruan se Kina ka tashmë 115 miliarderë, ndërsa në SHBA jetojnë 413 të tillë.

U hiqet imuniteti tre deputetëve të parlamentit grek

Parlamenti grek votoi sot në mesditë pro heqjes së imunitetit të tre deputetëve, me qëllim që të vazhdojë ndaj tyre ndjekja penale  për shkelje të kryera kur ata nuk ishin deputetë.

Bëhet fjalë për deputetët e PASOK-ut:

Jorgos Arvanitidhis deputet i Selanikut. Ai akuzohet për shpërdorim detyre gjatë periudhës që ushtronte detyrën si kryetar bashkie në Ehedhoro në vitin 2006.

U refuzoi nënshtetësinë fëmijëve të emigrantëve, largohet ministrja daneze e Emigracionit

U lirua nga përgjegjësitë ministrja e Emigracionit e Danimarkës, Berth Roen Hornbeh, pas pranimit nga ana e saj se shërbimet ministrore, në mënyrë të gabuar, refuzuan dhënien e nënshtetësisë për palestinezë që kanë lindur në vend.

Kryeministri i vendit Lars Lokke Rasmussen njoftoi lirimin e saj nga detyra, pas komunikimit që pati me të.

Sikurse njofton Associated Press, 36 palestinezë që kishin lindur në Danimarkë, nuk morën nënshtetësinë për faj të ministres.

Edi Rama: Berisha ëndërronte të bojkotonim zgjedhjet

Intervistë e liderit të Partisë Socialiste të Shqipërisë, Edi Rama, dhënë gazetarit Niko Ago.

Lideri i opozitës, gjatë vizitës në Athinë, flet për herë të parë për regjistrimin e popullsisë dhe marrëveshjen detare.

-Z. Rama,cili qe mesazhi i socialistëve evropianë për krizën politike në Shqipëri?

21 Janari tregoi se kriza në Shqipëri nuk është vetëm politike, është një krizë e rrënjosur në jetën e përditëshme të shoqërisë. Shoqëria është e kredhur në varfëri dhe korrupsion. Qasja ndaj këtyre ngjarjeve e kolegëve socialistë evropianë ishte qasja e duhur: dënimi nga njëra anë i vrasjeve të njerëzve të pafajshëm nga armët e shtetit, duke nënvizuar domosdoshmërinë e procesit politik ndaj tyre, hetimin e pavarur dhe respektimin e institucioneve ligjore dhe nga ana tjetër, domosdoshmërinë për të luftuar korrupsionin dhe rritur  transparencat e zgjedhjeve.

Kaddafi dhe dora e tij e hekurt

Shumëkush, pyet veten këto ditë, se si është e mundur, libianët të sulmojnë në mënyrë kaq çnjerëzore, libianë. Mirëpo, jo gjithnjë fenomenet janë ashtu siç i shohim. Dhe në rastin e Libisë, kemi të bejmë me një fenomen të veçantë. Sikurse bëhet e njohur, nga media prestigjioze arabe të cilat njohin fare mirë gjendjen e krijuar atje, Muamar Kaddafi e ka mbështetur dhe mbështet pushtetin e tij të përgjakshëm, jo vetëm tek të bindurit dhe sahanlëpirësit e tij, por edhe tek vlera e dollarëve që fiton me shumicë nga toka e pasur me naftë e Libisë. Dollarë të cilët nuk kursehet aspak, ti shpërndajë majtas djathtas për të krijuar ushtrinë mercenare e cila kaq shumë po i hyn në punë në këto momente.

Të drejtat e njeriut, zbardhet raporti special i Këshillit të Evropës për 21 Janarin

Komisioneri i Këshillit të Evropës për të Drejtat e Njeriut ka publikuar raportin e vëzhgimit që realizoi në Shqipëri në raport me ngjarjet e 21 Janarit. Në këtë dokument thuhet se misioni u krye nga datat 13 deri në 15 shkurt të vitit 2011.

Sakaq, në raportin special thuhet se më 21 Janar, pak pasi demonstruesit u grumbulluan përpara godinës së Kryeministrisë, një dhunë shpërtheu midis një grupi disa qindar njerëzish dhe forcave të policisë që rrethonin godinën. “Ka perceptime të ndryshme dhe konfliktuale me njëri-tjetrin sa i takon asaj që vërtet ka ndodhur dhe se si situate u agravua në një spirale që e nxori jashtë kontrolli. Palët politike ofrojnë perceptime të ndryshme rreth pyetjes së kush e provokoi shpërthimin e dhunës, demonstruesit apo policia. Referuar qeverisë protesta u organizua nga opozita me qëllim marrjen me forcë të qeverisë, ndërsa opozita thotë se ishte policia ajo që provokoi protestuesit ende pa nisur tamam protesta”, thuhet në raportin special.

PS hyn në zgjedhjet lokale, regjistrohet në KQZ

Partia Socialiste shqiptare ka dorëzuar sot në Komisionin Qendror të Zgjedhjeve kërkesën për tu regjistruar si subjekt politik në zgjedhjet për pushtetin lokal që do të zhvillohen më  8 maj.

I hapet rruga kështu fillimit të procedurave administrative dhe përgatitjes së terrenit për zgjedhjet.

Ndërkohë që regjistrimi si subjekt politik zyrtarizon pjesëmarrjen e Partisë Socialiste shqiptare në garën për zgjedhjet vendore të 8 majit.

Sot ka qenë dhe afati i fundit për regjistrim i përcaktuar nga Kodi Zgjedhor.

Albanews

Anullohet greva 24 orëshe e MTP, e shpallur për 9 Mars

Anullohet greva 24 orëshe e shpallur nga punonjësit e MTP në Atikë, për ditën e nesërme, e mërkurë 9 Mars.

Kështu normalisht do të qarkullojnë nesër të gjitha mjetet e transportit publik në Atikë.

Kryesitë e sindikatave të punonjësve të  MTP, bënë të njohur nëpërmjet një njoftimi për mediat,vendimin për anullimin e grevës për shkak të kushteve të vështira të motit, me qëllim mundësimin e qarkullimit normal dhe të sigurtë të  pasagjerëve.

Gjithashtu anullohet edhe ndërprerja e punës e makinistëve të trolejve, e planifikuar për ditën e sotme.

Albanews

"Ekonomia e zezë" arrin në 1 miliardë euro në Athinë

Alarmin kanë lëshuar pronarët e njësive tregtare dhe të hoteleve në qendër të Athinës. Aktivitetet e tyre rrezikojnë të mbyllen për shkak të getizimit të zonës dhe fenomenit të paraekonomisë. Blerësit e kanë tepër të vështirë të arrijnë deri në dyert e dyqaneve apo hoteleve, pasi situata që mbizotëron në qendër, sidomos në orët e pasdites dhe të darkës (për të mos përmendur natën) nuk ofron më siguri.

Inflacioni shqiptar “merr të përpjetën”

Treguesi i inflacionit në Shqipëri është rritur ndjeshëm në shkurt, sipas të të dhënave që ka publikuar ditën e hënë  Instituti i Statistikave.

Treguesi i Çmimeve të Konsumit (TÇK) është rritur në masën 4.5% nga viti në vit, në krahasim me rritjen prej 3,3% të regjistruar në janar. Rritja e fundit ishte më e larta që nga shkurti  i vitit të kaluar, kur inflacioni kishte kapur shifrën e 4.7%.

Krahasuar muajin shkurt të 2011 me atë të 2010-ës, çmimet e konsumit u rritën 2,3%, pas një rritjeje me 0.8% muajin e kaluar.

Banka e Shqipërisë synon një normë vjetore inflacioni prej 3%.

Albanews

Nis procesi gjyqësor kundër ish presidentit Chirac

Ish-presidenti francez, Jacques Chirac do të jetë presidenti i parë francez që del para drejtësisë. Procesi kundër tij fillon këtë të hënë.

78- vjeçari Chirac akuzohet se në kohën e ushtrimit të detyrës si kryetar bashkie i Parisit nga viti 1977 deri në 1995-n i ka dhënë punë miqve të tij, të cilët nuk punonin për bashkinë.

Deri në vitin 2007 Chirac mbrohej nga ndjekja penale për shkak të postit të presidentit.

Pasi bashkia e Parisit e tërhoqi akuzën kundrejt gjobës, pritet një dënim i butë nga gjykata.

Albanews

Bashkia e Athinës e mbytur mes luksit dhe borxheve!

Një raport përvëlues ka publikuar kryetari i Bashkisë së Athinës Jorgos Kaminis. Me lugë floriri duket se hanin punonjësit e bashkisë, përderisa u zbulua se kishin shpenzuar plot 1 milion euro nëpër takimet, veprimtaritë etj., në kuadër të marrëdhënieve publike dhe rreth 182.000 euro për blerje dhuratash, midis të cilave edhe mansheta, rripa, iPhone, laptop dhe kamera. Të gjitha këto shpenzime vetëm në radiostacionin e bashkisë “9, 84 fm” për vitin 2010.

“Apel dramatik” i qeverisë për grevistët e urisë

“Apel dramatik” drejtuar emigrantëve grevistë të urisë në pallatin “Ipatia”, të ndalojnë grevën dhe të lejojnë kurimin e tyre bëri sot qeveria greke, duke përjashtuar njëkohësisht mundësinë e legalizimit të tyre.

Burime nga ministria e Brendëshme, ftuan sot grevistët e urisë, për të shkuar të gjithë në spital, duke mbrojtur kështu shëndetin e tyre, dhe të pranojnë propozimin e qeverisë në të cilin “nuk është e mundur të përmblidhet edhe legalizimi i tyre”, komentuan ata.

PD-LSI, rifreskojnë “martesën” politike

Sekretari i përgjithshëm i Lëvizjes Socialiste për Integrim, Luan Rama theksoi se negociatat për zgjedhjet lokale me Partinë Demokratike janë konstruktive dhe se do të finalizohen në një kohë shumë të shkurtër. Përmes një konference për shtyp, zyrtari i LSI-së tha se “jemi në një proces negociatash diskutimi dhe konsultimesh me PD-në për të konkretizuar koalicionin edhe në këtë garë zgjedhore”.

Propozimet e Avokatit të Popullit për lejet e qëndrimit të emigrantëve

Shkurtimi i kohës minimale të punës dhe rritja e numrit të ensimave që mund të blihen, për plotësimin e numrit të domosdoshëm, janë disa nga propozimet që ka paraqitur në raportin e tij, drejtuar qeverisë, Avokati i Popullit i Greqisë. Raporti është hartuar me qëllim që Autoriteti i Pavarur të kontribuojë në përpjekjen për zbutjen e krizës me emigrantët e grevës së urisë.

Shqipëri, 3 milion euro për kthimin e emigrantëve

Pasojat e krizës ekonomike kanë filluar të ndjehen dukshëm edhe në Shqipëri, ku muajt e fundit është rritur numri i emigrantëve të kthyer. Nevojat e tyre për mbështetje financiare dhe sociale janë tepër imediate, ndaj dhe për këtë qëllim, Kuvendi i Shqipërisë është detyruar të bëjë disa ndryshime në projektligjin për “Emigrimin e shtetasve shqiptarë për motive punësimi”, i cili në kushtet e sotme, duhet thënë se nuk disponon një titull që i përputhet sa duhet realitetit, pasi aktualisht, pjesa më e madhe e shtetasve shqiptarë po kthehen në vendlindjet e tyre dhe nuk po emigrojnë.

“Pika që su bie se nga gratë rrojnë”, familjeve shqiptare në Greqi

Kriza po i kthen gratë e imigracionit shqiptar në “shtylla” të shtëpisë. Duke punuar si punonjëse shtëpiake, për pjesën dërrmuese të familjeve shqiptare ato janë i vetmi krahë në kohë krizash.

Ngurron të prezantohet me emrin e saj të plotë, por jo edhe të flasë për “peripecinë” e përditshme të punës së saj si ndihmëse shtëpiake këtu e 15 vjet në Greqi. Tek e fundit anonime mbetet pjesa dërrmuese e grave të imigracionit, që pa siguracion, punojnë si ndihmëse nëpër shtëpitë e vendasve, pa u përfshirë qoftë edhe në një statistikë të saktë të kontributit të tyre. “Për punën time të përditshme marr dy autobusa që të arrij në Kifisia. Atje punoj si ndihmëse në një shtëpi, si shtëpiake domëthënë”, thotë Eva dhe menjëherë sqaron indirekt pse nuk thotë dhe mbiemrin e saj. “Kam qenë arsimtare në Shqipëri. Por tashmë e kam harruar çdo të thotë të jesh arsimtare, njeri me shkollë. Se puna ime e përditshme është mes detergjenteve. Por ç`të bëj. Im shoq nuk punon. Ndërtimi në Greqi nuk ka më punë. Kam 3 fëmijë. Djali i madh ka mbaruar shkollën e lartë, por është pa punë”.