Skandali Meta-Prifti:7 vjet burg i kanosen ish zv/kryeministrit

Prokuroria e Përgjithshme e Shqipërisë ka dorëzuar të hënën, 9 Maj 2011,  në Gjykatën e Lartë në Tiranë, dosjen penale në ngarkim të Ilir Metës, për skandalin me videon e publikuar dhe që e implikon atë në një aferë korruptive me ish-ministrin e Ekonomisë, Dritan Prifti. Ish- zv/kryeministri i Shqipërisë, akuzohet për korrupsion aktiv, vepër penale që parashikon mbi 7 vjet burg.

Sipas informacioneve gazetareske, dosja do të shqyrtohet së shpejti dhe do t’i kërkohet autorizim Parlamentit për të operuar më tej pasi z. Meta ka ende imunitet parlamentar, edhe pse pati deklaruar se, do t alinte atë vullnetarisht.

Albanews

Helsinki zhvendoset nën tokë

Në Helsinki të Finlandës do të ndërtohet metropoli i parë nëntokësor në botë. Projekti është prezantuar gjatë këtyre ditëve dhe brenda vitit 2020 do të jenë ndërtuar 400 apartamentet e para me një volum të përgjithshëm prej 9 milionë m3.

Finlanda njihet si një vend në të cilin banorët, veçanërisht ata të kryeqytetit Helsinkit, janë tashmë të familjarizuar me jetën nën tokë, pasi që më parë këtu është ndërtuar një tunel i cili lidh një qendër tregtare me stacionin qendror të trenit, përgjatë të cilit ndodhet edhe Stockmann, një dyqan shumë i njohur, me një sipërfaqe të përgjithshme prej 10 mijë metra katrore.

Albanews

Europol: Shqipfolësit, nënkampionë Evrope në shpërndarjen e drogës!

Pikë  kryesore të rrugës së lëvizjes së narkotikëve nga BE-ja dhe drejt BE-së, karakterizohet Ballkani në raportin e fundit të EUROPOL-it për krimin e organizuar në Evropë.

Në raport thuhet se skuadra shumëkombëshe kriminale, janë mbledhur rreth Kosovës,FYROM-it dhe Shqipërisë dhe heroina nga Turqia dhe kokaina nga Amerika Latine depozitohen në Ballkan, përpara transportimit në Evropë. Marihuana që shitet në Bashkimin Evropian kultivohet në Ballkan, thuhet në raport, në të cilin thuhet akoma se, ngarkesa me kokainë mbërrijnë në tregun evropian, nga portet e Malit të Zi.

Berisha: Edhe dëshmorët mund të votojnë. 28 mijë vota nuk ti fal njeri

Me rastin e 5 Majit, kryeministri Berisha ka bërë homazhe tek Varrezat e Dëshmorëve ku për cudinë e tij nuk kishte asnjë shirit inagurimi. Dikush me shumë guxim, gjeti rastin ti thoshte që këtu nuk prehen shirita por vendosen vetem kurora lulesh.

“Andej nga ne, lulet i hanë gomerët” tha me vete Berisha dhe më pas vendosi një kurorë.

Në fjalimin e rastit kryeministri Berisha theksoi se këta dëshmorë dhanë jetën e tyre për demokraci, për Shqipëri europiane, për Aleancën e Qeveritarit.

“Sikur këta dëshmorë të dinin se si do ta bëjë Tiranën Luli jonë, këta do të ishin ngritur nga varri për të votuar. 28 mijë dëshmorë janë 28 mijë vota që mund të ishin në favor të Lulit” tha Berisha i cili shpjegoi se lufta ndaj Edvin Ramës ka nisur që më 1941.

Kryeministri shtoi se janë marrë masat që këta 28 mijë dëshmorë të vazhdojnë të japin kontributin e tyre, edhe në zgjedhjet e 8 Majit.

“Endrra e Ramës vazhdon...por edhe lufta jonë vazhdon” tha Berisha.

Keshilliiministrave.org

Britanikët: Video Meta-Prifti, më origjinale nuk bëhet!

Pas një debati të gjatë dhe replikave të shumta se videoja e publikuar me dialogët korruptues Meta-Pritfti ishte një montazh i sajuar nga ish-ministri Prifti dhe ndihmësit e tij në PS e Top-Channel, nëpërmjet emisionit “Fiks Fare”, disa ditë më parë ka ardhur edhe përgjigjja zyrtare e Laboratorëve të Kriminalistikës në Londër të Anglisë. Prokuroria bëri kërkesën në drejtësinë britanike në muajin Mars, pasi eksperti amerikan i FBI-së deklaronte se video ishte origjinale, por ai nuk mund të përcaktonte dot nëse zëri në këtë video ishte i Ilir Metës apo i montuar.

Ndahet nga jeta Ernesto Sabato, kishte edhe origjinë shqiptare

Shkrimtari argjentinas Ernesto Sabato vdiq dje, në moshën 99 vjeçare, në shtëpinë e tij në Santo Lugar, në provincën e Buenos Aires, sipas njoftimit për shtyp nga bashkëshortja e tij, Elvira Gonzales Franga.

Sabato lindi më 24 Qershor të vitit 1911 në Rohas të krahinën e Buenos Aires. Babai i tij ishte italian ndërsa nëna italoshqiptare. Studioi Fizikë dhe Filosofi në Universitetin La Plata por pas luftës së Dytë Botërore ai iu përkushtua shkrimit dhe më vonë dashurisë tjetër të madhe, pikturës. Në 1984, u nderua me çmimin Servantes, çmimin më të lartë për veprat letrare në gjuhën Spanjolle.

Shqipëria propozon heqjen e pasaportave në Ballkan

Ministri i Brendshëm shqiptar, Bujar Nishani, ka ftuar homologët e tij të vendeve ballkanike(Serbi,Kroaci,Bosnje-Hercegovinë, FYROM,Mali i Zi), të mbështesin propozimin e qeverisë shqiptare për lëvizjen e qytetarëve në të gjitha vendet e Ballkanit, vetëm me kartën e identitetit.

Z. Nishani paraqiti propozimin e tij gjatë takimit të ministrave të Brendshëm të Ballkanit, në të cilin, temë kryesore ishte siguria e kufijve dhe u zhvillua në Durrës.

Mbyllet banka e vetme shqiptare në Greqi

Intesa San Paolo (ish-American Bank of Albania), e vetmja bankë shqiptare në Greqi, me tre filiale në Athinë dhe një në Selanik, e cila qysh prej vitit 2004 ka operuar në Greqi, tashmë mbyllet. Këtu e disa muaj, banka ka informuar klientët e saj, që në pjesën dërrmuese janë emigrantë shqiptarë, për të tërhequr llogaritë dhe depozitat e tyre andej dhe ti çojnë ato në bankat greke apo të huaja të Greqisë.

Ismail Kadare: Adhuroj kulturën greke

Shkrimtari i njohur shqiptar Ismail Kadare, gjatë një vizite  në Malin e Zi, ku pritet të botohet libri i tij "Darka e gabuar", ka dhënë një intervistë.

Ndonëse disi e gjatë, vlen të lexohet me vëmendje, për të "njohur" nga afër, si ndoshta rrallëherë, kontemporanin më të madh të letrave shqipe.

Dëbimi i Eskilit ka ndodhur në kohën kur në Athinë, demokracia ishte fjala më e shpeshtë, më e përfolur, kurse koha quhej "Kohë e Artë e Perikliut". Ja, në kohë të tillë, e dëbojnë poetin më të madh Eskilin, që do të thotë se nuk ka pasur demokraci,  kurse koha e artë, kur ka mundur të dëbohet poeti i madh, padyshim ka qenë e errët dhe do të mbetet në kujtesë dhe histori me këtë njollë të zezë.

Papandreu : I shpëtuam falimentimit

Të jenë optimistë se vendi do t’ja dalë mbanë, ftoi qytetarët grekë kryeminstri Paspandreu, në një fjalim të mbajtur të enjten, përpara të rinjve të sektorit bujqësor.

“Përhapet një klimë pesimizmi se nuk mundemi t’ja dalim mbanë. Por, mos të harrojmë se aktualisht kemi arritur të mos falimentojmë” tha kryeminstri grek dhe shtoi se “për vendin tonë, e ardhmja nuk është pesimiste”.

Duke u drejtuar të bujqëve të rinj, tha se “ata, me idetë e tyre reformatore dhe përpjekjet e tyre, e krijojnë në vetvete klimën optimiste”.

“Ju përgëzoj, pasi ju sollët zhvillimin” tha Papandreu dhe ftoi të gjithë qytetarët “të marrin fatin në duart e tyre”.

Albanews

Rënie të papunësisë parashikon për Greqinë, Alpha Bank

Gjendja në tregun grek të punës pritet të përmirësohet gradualisht, nga mesi i vitit 2011, pas elasticitetit më të madh që bie në treg reforma e fundit qeveritare, e cila pritet të lehtësojë hapjen e vendeve të reja të punës, kryesisht për të rinjtë, vlerësojnë analistët e Alpha Bank në Greqi.

Sipas tyre, nuk ka shenja për rritje të papunësisë në kuotën e mbi 760.000 vetëve gjatë 2011-ës, ndërkohë që rënie graduale të papunësisë pritet të ketë në fillim të vitit 2012, thonë ekspertët bankarë.

Albanews

Turqia dënon Nobelistin Orhan Pamuk

Nobelisti turk, Orhan Pamuk, është dënuar nga një gjykatë turke  me  3000 euro, për shkak të një deklarate që për paditësit ka qenë fyese.

Shkrimtari i njohur, në vitin 2005, gjatë një interviste për gazetat zvicerane kishte deklaruar se “ne kemi vrarë 30 mijë kurdë dhe një milionë armenë”. Pikërisht kjo fjali kishte bërë që shumë persona të ankohen për “deklaratë fyese me paramendim nga ana e shkrimtarit”dhe gjakata të vendosë dëmshpërblimin e tyre nga Nobelisti.

Albanews

Qeveria greke shpall programin e punësimit të shtetasve të huaj për vitin 2011-2012

Qeveria greke ka shpallur programin e punësimit të shtetasve të huaj për vitin 2011-2012. Vendimi është nënshkruar nga minsitri i Brendshëm, Janis Ragusis, Ministri i Jashtëm Dhimitris Drucas si dhe nga zëvendësministrja e Punës Ana Dalara. Në të përcaktohet numri i saktë i lejeve të qëndrimit për shtetasit nga vendet jashtë Bashkimit Europian, të cilët thirren për t’u punësuar në sektorë të ndryshëm të ekonomisë greke.

Ekskluzive: Berisha dhe Rama arrijnë në marrëveshjen e shekullit!

Atë që ka vite që nuk po e realizojnë të dërguarit nga Evropa dhe SHBA-ja, u desh vetëm një telefonatë, që ta realizonte.

Sipas informacioneve ekskluzive të korrespondentit tonë në Tiranë, dje vonë në mbrëmje, kryebashkiaku Rama dhe njëherësh edhe kryesocialist, mori një telefonatë të çuditshme. Në anën tjetër të linjës ishte rivali i tij dhe deri dje, rival i betuar në betejën politike shqiptare, Sali Berisha.

Falas tekstet shkollore për fëmijët e emigrantëve

Fëmijët e emigrantëve shqiptarë janë një prej katër kategorive të nxënësve të arsimit të detyruar që do t’i përfitojnë falas tekstet shkollore. Lajmi bëhet i ditur për mediat shqiptare nga Këshilli i Ministrave, i cili ka marrë dje vendimin, duke bërë disa shtesa dhe një ndryshim në vendimin nr. 107, datë 10.2.2010, të Këshillit të Ministrave, “Për botimin, shtypjen, shpërndarjen dhe shitjen e teksteve shkollore të sistemit të arsimit parauniversitar”.

Tornatori që “parashikon” falimentimin e Greqisë

Një 43-vjeçar nga Kreta, tornator në profesion, duket se është dërguesi i “lajmit”që nëpërmjet e-mail-i u dërgua masivisht në faqet internetike dhe“parashikonte” me siguri të plotë se “Greqia do të falimentojë në datën 25 Mars, ditën e premte”.

Sektori i Krimeve Elektronike gjeti gjurmët e tornatorit, por ende nuk është bërë denoncimi ligjor ndaj tij, pasi nga policia pritet të saktësohen shenjat e plota elektronike.

Rritje dhe zbutje të gjobave parashikon Kodi i ri i Qarkullimit Rrugor

Ndyshime në Kodin e Qarkullimit Rrugor, përsa u përket gjobave dhe kufijve të shpejtësisë, palnifikon ministria e Infrastrukturës së Greqisë.

Kufiri maksimal i shpejtësisë do të vazhdojë të jetë 130 km/h, por do të rishikohet ajo në segmente të veçanta rrugore jashtë zonave të banuara.

Ndërkohë, nuk ndryshojnë gjobat e rënda, deri në 700 euro, të shkeljes së Kodit të Qarkullimit, sikurse janë kalimi me stop, kalimi me semafor të kuq, drejtimimi i automjetit nën ndikimin e pijeve alkoolike dhe lëndëve narkotike.

Armë shqiptare në duart e ushtrisë së Gaddafi-t

Autoritetet shqiptare kanë furnizuar ilegalisht me armë ushtrinë e Muammar Gaddafi-t, shkruan në një artikull të saj prestigjiozja “New York Times”.

Sipas së përditshmes amerikane, disa ngarkesa me predha 82 milimetërshe për mortaja dhe armë të tjera të lehta u nisën për në portin e Ras Lanufit gjatë vitit 2010.

Bizhuteri me vlerë 14 milionë euro, në kanalin e ujrave të zeza!

Policia franceze mundi përfundimisht të gjejë edhe pjesën e fundit nga sendet e çmuara që u vodhën në argjendarinë Harry Winston, në Paris, përpara dy vjetësh. Gjeti 19 unaza dhe 3 palë vathë në kanalin e ujrave të zeza, bri shtëpisë së njërit nga  9 të akuzuarit për grabitjen spektakolare.

Nobelisti Dalai Lama njofton dorëheqjen

Dorëheqjen, nga kreu politik i qeverisë së Tibetit në mërgim, njoftoi sot Dalai Lama.

“Qysh nga 1960 kam bërë të qartë mendimin tim se tibetianët kanë nevojë për një udhëheqës të zgjedhur me votën e tyre të lirë, të cilit do të mund ti kaloj pushtetin” deklaroi Dalai Lama në një fjalim në qytetin Daramsala në Indinë Veriore, vend ku jetojnë tibetianë të mërguar. “Tashmë, erdhi momenti që kjo të ndodhë”, vazhdoi ai.

Franca “injoron” Gaddafin, njeh Këshillin Kombëtar të Libisë

Ish ministri i Drejtësisë të Libisë, Mustafa Mohamad Abdelxhalil, i cili do të kryesojë Këshillin Kombëtar.

Zyra e presidentit francez, Nikola Sarkozi, tha se Franca ka njohur Këshillin Kombëtar të kryengritësve libianë si përfaqësues legjitim të popullit të Libisë. Parisi është bërë kryeqyteti i parë që ka ndërmarrë një hap të tillë.

Presidenca franceze tha se do të dërgojë ambasadorin e saj në Benghaz dhe do të pranojë të dërguarin e Libisë në Paris.

KE propozon ndryshimin e Kodit të Kufinjve Schengen

Ndryshimin e Kodit të Kufinjve të zonës Schengen, me qëllim lehtësimin, në mënyrë të kontrolluar, të qarkullimit të personave në kufijtë e jashtëm dhe të brendshëm të Bashkimit Europian, propozon në Bruksel Komsioni Europian.

Komisioni thekson se ndryshimet e propozuara do të përmirësonin transparencën e rregullave aktuale dhe do të ndihmonin në përballimin e problemeve praktike që rezultuan gjatë viteve të para të funksionimit të Kodit të Kufinjve të zonës Schengen.

Përfundon greva e urisë e emigrantëve, qeveria greke premton fushatë legalizimi

Mori fund greva e urisë e 300 emigrantëve në Athinë dhe Selanik. Qeveria greke u përcolli atyre një ofertë përmes së cilës, ministrat e  Brendshëm, të Shëndetësisë dhe zëvendësministrja e  ngarkuar me Emigracionin, u bënë të ditur ndryshimet në legjislacion që kanë të bëjnë me emigracionin.

Kështu, nga sot, legalizohen emigrantët që kanë mbushur 8 vjet në Greqi, kurse të tjerët, marrin statusin e personave “nën tolerancë”.

Nga pjesmarrësit në grevë, vlerësohet se 100 prej tyre, legalizohen automatikisht.

Albanews

Projektligji: Pagimi me këste i energjisë elektrike

Masa për mbrojtjen e konsumatorëve dhe veçanërisht të grupeve më në nevojë, me fatura të ulta, lehtësi në shlyerjen e llogarive dhe ndalimin e prerjes së energjisë elektrike në periudha të caktura (sikurse në rastin e kushteve të këqija atmosferike), pritet të marrë qeveria greke.

Të gjitha këto masa parashikohen, midis të tjerash, në projekligjin për përshtatjen e legjislacionit kombëtar të energjisë me atë të Bashkimit Europian, i cili u prezantua në Këshillin e Ministrave nga ministrja e Ambientit, Energjisë dhe Ndryshime Klimaterike, Tina Birbili.

Forbes publikon listën e re të miliarderëve

Revista amerikane “Forbes”, si çdo vit, publikoi listën e miliarderëve në të gjithë botën. Kështu, vetëm në Moskë jetojnë 79 miliarderë, të cilët, sikurse shkruan revista,  përbëjnë një të tretën e miliarderëve në Evropë, ndërkohë që në New York jetojnë 58.

“Forbes” shkruan se Kina ka tashmë 115 miliarderë, ndërsa në SHBA jetojnë 413 të tillë.